મહુધામાં 50 લાખના રોડ પ્રોજેક્ટ માટે દબાણો હટાવાયા

- નોટિસનો સમય પૂર્ણ થતા પાલિકા દ્વારા

- દબાણોના લીધે દોઢ મહિનાથી રોડની કામગીરી શરૂ થઈ નહીં શકતા કાર્યવાહી

નગરપાલિકા દ્વારા રોડ નોટિફિકેશનનું કામ હાથ ધરવામાં આવ્યું છે. આ પ્રોજેક્ટનો મુખ્ય હેતુ માર્ગને વધુ સુગમ બનાવવાનો છે, પરંતુ રોડ પરના દબાણોને કારણે કામગીરી શરૂ થઈ શકી ન હતી. દબાણ હટાવતા પહેલા નગરપાલિકા દ્વારા લારી-ગલ્લાવાળા સહિત અન્ય દબાણકર્તાઓને નોટિસો પાઠવીને જાણ કરવામાં આવી હતી. નોટિસ અવધિ પૂર્ણ થયા બાદ આજે ડિમોલેશનની કામગીરી હાથ ધરવામાં આવી હતી. દબાણ હટાવવાની પ્રક્રિયા પૂર્ણ થતાં જ હવે રોડ નોટિફિકેશનનું કામ ટૂંક સમયમાં શરૂ કરવામાં આવશે. આનાથી સ્થાનિક નાગરિકોને સુવિધા મળશે અને શહેરના વિકાસ કાર્યોને ગતિ મળશે. આ અંગે મહુધાના ઇન્ચાર્જ ચીફ ઓફિસર ઉબલા સુમેસરાએ પણ સ્થળ પર હાજર રહી અને તમામ દબાણ હટાવવાની કામગીરી કરાવી હતી.