પીજીવીસીએલની ચેકિંગ ડ્રાઈવમાં રૂ. 44 લાખની વીજચોરી ઝડપાઈ

- પાલિતાણા ટાઉન, ગારિયાધાર-1, 2 અને ઘોડીઢાળ સબ ડિવિઝનમાં ચેકિંગ

- 44 ટીમો દ્વારા 327 વીજ કનેક્શન તપાસ્યા જેમાંથી 105 માં ગેરરીતિ પકડાતા દંડાત્મક કાર્યવાહી

જિલ્લાના પાલિતાણા ટાઉન, ગારિયાધાર-૧, ગારિયાધાર-૨ અને ઘોડીઢાળ સબ ડિવિઝન હેઠળના વિસ્તારોમાં પીજીવીસીએલની ૪૨ ટીમો દ્વારા આજે વહેલી સવારે વીજ ચેકિંગની કામગીરી હાથ ધરવામાં આવેલી હતી. વીજ ટીમ દ્વારા ચારેય સબ ડિવિઝન હેઠળના વિસ્તારોના કુલ ૩૨૭ ઘર વપરાશના ૩૨૪ અને ખેતીવાડીના ૩ મળી કુલ ૩૨૭ વીજ કનેક્શન ચેક કરવામાં આવ્યા હતા. જેમાંથી ઘર વપરાશના ૧૦૪ અને ખેતીવાડીના ૧ કનેક્શનમાં વીજચોરી ઝડપાતા વીજ ચોરી કરનારા કુલ ૧૦૫ ગ્રાહકોને પીજીવીસીએલ દ્વારા કુલ રૂ.૪૪ લાખનો દંડ ફટકારવામાં આવ્યો હતો.