- પત્તાપાના વડે હારજીતનો જુગાર રમતા હતા
- પોલીસે રોડક રકમ સહિતનો રૂ. 4 હજારથી વધુનો મુદ્દામાલ જપ્ત કરીને ગુનો નોંધી કાર્યવાહી હાથ ધરી
આંકલાવ : આણંદ જિલ્લાના આંકલાવ પોલીસ સ્ટેશન વિસ્તારમાં આવતા મોટી સંખ્યાડ ગામમાં જાહેર જગ્યા પર જુગાર રમી રહેલા ચાર શખ્સોને પોલીસે બાતમીના આધારે ઝડપી પાડયા છે. તેમજ પોલીસે રોકડ સહિતની રૂ. ૪,૦૫૦ની મત્તા જપ્ત કરી ગુનો નોંધી વધુ કાર્યવાહી હાથ ધરી છે.
આંકલાવ પોલીસ સ્ટેશનની ટીમ કોમ્બીંગ નાઈટ પેટ્રોલિંગમાં હતી, તે દરમિયાન તેઓને બાતમી મળી હતી કે, મોટી સંખ્યાડ ગામના વહેરાઈ માતા મંદિર નજીક ભાઠ્ઠા વિસ્તારમાં કેટલાક શખ્સો લાઈટના થાંભલા પાસે ખુલ્લી જગ્યામાં પત્તા પાનાનો જુગાર રમી રહ્યાં છે. બાતમીના આધારે પોલીસે બે પંચોના માણસોને સાથે રાખી રેઇડ કરી હતી. પોલીસે દરોડો પાડીને જુગાર રમતા શખ્સો સુરેશભાઈ ઉદાભાઈ સોલંકી, વિજયભાઈ ઉર્ફે વિકો ચીમનભાઈ સોલંકી, બકાભાઈ ઉર્ફે બકો ચંદુભાઈ સોલંકી,
ગોપાલભાઈ ઠાકોરભાઈ સોલંકી (તમામ રહે. મોટી સંખ્યાડ)ને ઝડપી પાડયા હતા. તેમજ પોલીસે આરોપીઓની અંગ જડતી દરમિયાન મળેલા રૂ. ૩,૩૦૦ અને દાવ પરથી મળેલા રૂ. ૭૫૦ મળીને કુલ રૂ. ૪,૦૫૦ની રોકડ રકમ તેમજ પત્તા પાના જપ્ત કરીને પકડાયેલા ચારેય આરોપીઓ વિરુદ્ધ જુગાર ધારાની કલમ હેઠળ ગુનો નોંધી વધુ કાર્યવાહી હાથ ધરી હતી.
