Vadodara : વડોદરા શહેરના તરસાલી વિસ્તારમાં નવા ડેવલોપ થતા વિસ્તારમાં પાણીની ટાંકી તથા પાણીની પાઇપ લાઈન નાંખવા પાઇપો મંગાવી હતી. દરમિયાન કેટલાક તસ્કરો દ્વારા આ પાઇપો પૈકી રૂપિયા 5.87 લાખની પાઇપો આઇસરમાં ભરીને ચોરી કરી લઈ ગયું હતું. જેથી કોન્ટ્રાક્ટરે મકરપુરા પોલીસ સ્ટેશનમાં ચોરીની ફરિયાદ નોંધાવી છે.
વડોદરા શહેરના છાણી વિસ્તારમાં આવેલી દિવ્ય લોક સોસાયટીમાં રહેતા સુરેશભાઈ દલસુખભાઈ પટેલે ફરીયાદ નોંધાવી છે કે, હું ઉપરના જણાવેલ સરનામે મારા પરીવાર સાથે રહું છું અને આકાર કન્ટ્રકશન નામે વડોદરા મ્યુનીસીપલ કોર્પોરેશન હસ્તક ગટર લાઇન, પાણીની પાઈપ સંબંધી કામગીરી તથા પાણીની ટાંકીઓના સમ વિગેરે કામગીરી કોન્ટ્રાક્ટ ઉપર રાખી વેપાર ધંધો કરૂ છું. આકાર કન્ટ્રકશનમાં કુલ પાંચ પાર્ટનર ત્રીભુવનભાઈ ધનજીભાઈ પટેલ, ચતુરભાઈ પ્રભુદાસ પટેલ, જેન્નીભાઈ પ્રભુદાસ પટેલ તથા યશ અમૃતભાઈ પટેલ અમારા આકાર કન્ટ્રકશન વડોદરા માં ચાલતા કામ/સાઈટ નું સુપરવિઝન અમારે ત્યાં કામ કરતા હર્ષદકુમાર કાશીરામ પટેલ કરે છે.આકાર કન્ટ્રકશનને વડોદરા મહાનગર પાલીકા, પાણી પુરવઠા શાખા માંથી તરસાલી વિસ્તારમાં નવા ડેવલોપ થતા વિસ્તારમાં પાણીની ટાંકી તથા પાણીની પાઇપ લાઈન નાંખવા માટેનો કોન્ટ્રાકટ મળ્યો છે. જે આધારે પાણી પુરવઠા શાખાના પ્રોજેક્ટ વર્ક હેડના જણાવ્યા અમોએ નવી પાણીની પાઈપ લાઈન નાખવાની કામગીરી કરવામાં આવેલ અને અમીએ પ્રોજેક્ટમાં જણાવ્યા મુજબ પાણીની પાઈપો મંગાવવામાં આવેલ. જે પાઇપી પ્રો જેક્ટમાં જણાવ્યા મુજબની જગ્યાએ જરૂરીયાત મુજબ જાહેરમાં રોડ સાઇડમાં ઉતારેલ, જેમાં તરસાલી સમૃધ્ધી સોસાયટી તથા શિવાલય રેસીડેન્સી પાસે જાહેર ખુલ્લી જગ્યામાં રોડ સાઇડ કાળા કલરની પાણીની નાની-મોટી સાઇઝની ડી.આઈ .(ડસ્ટાઇલ આર્યન) પાઇપો ઉતારિ હતી. દરમિયાન મારા મોબાઈલ નંબર ઉપર અમારે ત્યાં સુપરવાઈઝર તરીકે કામ કરતા અમૃતભાઈ પટેલ ફોન આવેલ અને મને જણાવેલ કે, તરસાલીવાળી સાઇટ ઉપરથી આપણે ઉતારેલ પાણીની પાઈપોની ચોરી થયેલ છે અને પાઇપો ગાડીઓમાં ભરેલ છે. જેથી અમારા સાઈટ સુપરવાઈઝર હર્ષદકુમાર પટેલ મારફતે કેટલા પાઇપોની ચોરી થયેલ છે તે બાબતે ખરાઇ કરી હતી. તરસાલી સમૃધી સોસાયટી પાસે જાહેર ખુલ્લી જગ્યા માંથી આઈસર ટેમ્પામાં 350 MM ટી.આઈ. પાઈપો કુલ નંગ-27 રૂ.5.87 લાખની ચોરી કરી ચોરો લઇ ગયેલ હતા. જેથી મકરપુરા પોલીસે આ પાઇપોની ચોરી કરનાર ચોરોને ઝડપી પાડવા તજવીજ હાથ ધરી છે.
