પીજીવીસીએલે 99 કનેક્શનમાં રૂ. 32.61 લાખની વીજચોરી ઝડપી

- પાલિતાણા ડિવિઝનમાં વીજ ચેકિંગ ડ્રાઈવ

- 5 સબ ડિવિઝનના 300 થી વધારે વીજ કનેક્શનોમાં 44 ટીમોએ ચેકિંગ હાથ ધર્યું હતું

ભાવનગર વર્તૂળ કચેરીના પાલિતાણા ડિવિઝન હેઠળ આવતા ગારિયાધાર-૧, ૨, પાલિતાણા ટાઉન, ઘોડીઢાળ અને પીથલપુર સબ ડિવિઝન હેઠળના ૩૦૬ રહેણાંકી અને ૩ વાણીજ્ય મળી કુલ ૩૦૯ વીજ કનેક્શનોમાં પીજીવીસીએલની ૪૪ ટીમો દ્વારા આજે વહેલી સવારથી વીજ ચેકિંગની કામગીરી હાથ ધરવામાં આવી હતી. જેમાં ૯૮ રહેણાંકી અને ૧ વાણિજ્ય મળી કુલ ૯૯ વીજ કનેક્શનોમાં કુલ રૂ.૩૨.૬૧ લાખની વીજ ચોરી ઝડપાઈ હતી.