નશાયુક્ત કફસીરપ અને ટેબલેટ્સની હેરાફેરી કરતો પેડલર પકડાયો

Vadodara : વડોદરાના આજવા રોડ વિસ્તારમાં નસાયુક્ત આયુર્વેદિક પ્રોડક્ટ્સ સાથે એસઓજીએ એક કેરિયરને ઝડપી પાડ્યો છે.

આજવા રોડના દત્તનગરમાં રહેતો સતનામસિંગ મકનસિંગ સીકલીગર છેલ્લા કેટલાક સમયથી આયુર્વેદિક કફસીરપ તેમજ ટેબલેટ્સની હેરાફેરી કરતો હોવાની વિગતો મળતા એસઓજીની ટીમે વોચ રાખી હતી.

પોલીસને પૂરતા પુરાવા મળ્યા બાદ દરોડો પાડતા ઘેનયુક્ત કોડીન સીરપની 128 બોટલ (કિંમત રૂપિયા 23,000), ટ્રામાડોલ ટેબલેટ્સના 13 સ્ટ્રીપ, અલ્પ્રાઝોલમ ટેબલેટના 20 સ્ટ્રીપ તેમજ 61000 રોકડા મળી આવ્યા હતા. 

પોલીસે આરોપીનો મોબાઈલ પણ કબજે કર્યો હતો. પ્રાથમિક તપાસમાં આરોપી દિલ્હીમાં ચોરીના એક કેસમાં પકડાયો હોવાની વિગતો જાણવા મળી હતી. પોલીસે સિરપનો જથ્થો ક્યાંથી લાવ્યો હતો અને કોને કોને આપતો હતો તે દિશામાં તપાસ હાથ ધરી છે.