વડોદરા, તા.29 નાથદ્વારા ખડાયતા સમાજની વેબસાઇટ પરથી રૃમોનું બૂકિંગ કરાવવા જતા વડોદરાના શખ્સને ભટકાઇ ગયેલા સાયબર ગઠિયાઓએ રૃા.૪૬ હજારથી વધુ રકમ તફડાવી હતી.
ગૌરાંગ જયંતિભાઇ પટેલ (રહે.અક્ષરધામ સોસાયટી, વાસણા સ્વામિનારાયણ મંદિર પાસે)એ ભાદરવા પોલીસ સ્ટેશનમાં નોંધાવેલી ફરિયાદમાં જણાવ્યું છે કે તા.૧૫ ના રોજ પત્ની કોમલે જણાવેલ કે હું તથા મારા સંબંધીઓ મળી કુલ ૭ જણા શ્રીનાથજી નાથદ્વારા જવાના છે, અમારે નક્કી થાય એટલે હોટલ બૂક કરાવી આપજો. બાદમાં તા.૧૯ના રોજ હું રાણીયાગામની સીમમાં સૌમોરી ઇન્ડિયા પ્રા.લી. કંપનીમાં ફરજ પર હતો ત્યારે પત્નીએ નાથદ્વારામાં ખડાયતા સમાજની રુમો બૂક કરાવવાનું કહ્યું હતું.
મેં ખડાયતા સમાજની વેબસાઇટ ઓપન કરતા તેના લોગોની નીચે એક મોબાઇલ નંબર લખ્યો હતો. આ નંબર પર સંપર્ક કરતા તેમણે રૃમોની વિગતો મારા વોટ્સએપ પર મોકલી હતી. બાદમાં બે રૃમ બૂક કરાવવાનું મેં કહ્યું હતું અને સાથે ક્યૂઆર કોડ મુજબ પેમેન્ટ કર્યું હતું. બાદમાં રૃમોના બૂકિંગનો પણ કોઇ મેસેજ નહી આવતા ફરી સંપર્ક કરતાં ઓનલાઇન ગઠિયાઓએ વિવિધ તરકીબો અપનાવીને કુલ રૃા.૪૬૬૩૪ પડાવી લીધા હતાં.
અન્ય બનાવમાં મહુવડમાં રહેતી ૨૦ વર્ષની ભાવિકા રાજેન્દ્રસિંહ પરમાર ડભાસાની ખાનગી કંપનીમાં નોકરી કરે છે. તા.૨ના રોજ ભાવિકાના ફેડરલ બેંકના ખાતા સાથેના પિતાના મોબાઇલ નંબર પર એકાઉન્ટમાંથી રૃા.૯૯૯૩૦ ડેબિટ થયા હોવાના મેસેજો આવ્યા હતાં. આ અંગે યુવતીએ સાયબર હેલ્પલાઇન પર ફરિયાદ કર્યા બાદ પણ પૈસા પરત નહી આવતા આખરે વડુ પોલીસે ગુનો દાખલ કર્યો હતો.
