જામનગરમાં જુગારિયા તત્વો હાઈટેક બન્યા : મોબાઈલ ફોનમાં આઈ.ડી. મારફતે કેસીનોનો જુગાર રમતાં એકની અટકાયત

Jamnagar Gambling Raid : જામનગર શહેરમાં કેટલાક જુગારીયા તત્વો હાઈટેક બન્યા છે, અને મોબાઈલ ફોનની એપ્લિકેશન મારફતે ઓનલાઈન ગેમમાં જુગાર રમી રહ્યા છે. આવા જુગારીયા તત્વોને પોલીસ શોધી રહી છે. દરમિયાન એક શખ્સ પોલીસના હાથે ઝડપાઈ ગયો છે.

 જામનગરમાં મોબાઈલ ફોનની આઇડી પર કેસીનોની ગેમમાં તીન પત્તીનો જુગાર રમતાં એક શખ્સ પકડાયો છે. જામનગરમાં અશોકવાટિકા શેરી નંબર-2 માં રહેતો ચિરાગ હસમુખભાઈ તાળા નામનો યુવક પોતાના મોબાઈલ ફોનમાં આઈડી મારફતે કેસીનોની ગેમમાં તીનપત્તી સી.ગેમનો હારજીતનો જુગાર રમી રહ્યો છે તેવી ચોક્કસ બાતમી મળતાં ગઈકાલે પોલીસે નવા 80 ફુટ રોડ પર કુબેર પાર્કના ખૂણા પાસે દરોડો પાડી ચિરાગ હસમુખભાઈ તાળાને ઝડપી લીધો હતો, તેની પાસેથી રૂપિયા 5,000 ની કિંમતનો મોબાઇલ ફોન અને રૂપિયા 1500 ની રોકડ રકમ વગેરે કબજે કરી લીધા છે.