જામનગરમાં કિસાન ચોક વિસ્તારમાં રહેતા પિતા પુત્ર પર હુમલો : પિતરાઈ ભાઈ અને કાકા સામે પોલીસ ફરિયાદ

Jamnagar Crime : જામનગરમાં કિસાન ચોક વિસ્તારમાં રહેતા દિનેશ ગિરધરભાઈ માતંગ નામના 22 વર્ષના દલિત યુવાને પોતાના ઉપર તેમજ પોતાના પિતા ગિરધરભાઈ માતંગ ઉપર ધોકા પાઈપ વડે હુમલો કરી હાથ પગમાં ફેક્ચર સહિતની ઈજા પહોંચાડવા અંગે પોતાના જ પિતરાઇભાઈ અને કાકા તથા જય ખેરાજભાઈ માતંગ, વિજય જયેશભાઈ માતંગ, અને ભાવેશ જયેશભાઈ માતંગ સામે ફરિયાદ નોંધાવી છે.

પોલીસ ફરિયાદમાં જાહેર કરાયા અનુસાર ફરિયાદી દિનેશભાઈના દાદીમાં પડી જતાં તેમના જ કુટંબીજનોએ તમે લોકોએ જ દાદીમાને પછાડીને ઇજાગ્રસ્ત બનાવ્યા છે, તેવો આરોપ લગાવીને મારકુટ કરી હોવાથી મામલો સિટી એ. ડિવિઝન પોલીસ મથકમાં લઈ જવાયો છે.