વડોદરા, તા. 30
વડોદરાના ઈલોરાપાર્ક વિસ્તારમાં મેડિકલ ના ધંધા ની હરીફાઈમાં તકરાર થયા બાદ દુકાનદાર પર હુમલો કરવામાં આવતા પોલીસ ફરિયાદ નોંધાઇ છે.
ઇલોરાપાર્ક ના ઇન્દ્રપ્રસ્થ કોમ્પલેક્ષમાં મેડિકલ સ્ટોર ધરાવતા રાકેશ ભાઈ સોલંકી પોલીસને જણાવ્યું છે કે મારી દુકાન ની ઉપર મેડિકલ સ્ટોર ધરાવતા જયેન્દ્રસિંહ ગોહિલે આજે તમે કેવી રીતે મેડિકલ સ્ટોર ચલાવો છો તે જોવું છું તેમ કહી ધમકી આપી હતી.
બપોરના સમયે હું તેમજ મારા ભાગીદાર અશ્વિનભાઈ પટેલ દુકાનમાં હાજર હતા ત્યારે ઉપર મેડિકલ સ્ટોર ધરાવતા જયેન્દ્રસિંહ ગોહિલ તેમજ તેના ભાઈ અમિત ગોહિલ (દરબાર ગઢ, સીંધરૉટ)ધસી આવ્યા હતા અને લાકડી તેમજ ધારિયા સાથે ધસી આવ્યા હતા. બન્ને જણાએ ગાળો ભાંડી અશ્વિનભાઈ ઉપર હુમલો કરતાં તેમને માથામાં ઇજા થઇ હતી. ગોત્રી પોલીસે ગુનો નોધી તપાસ હાથ ધરી છે.
