આણંદ, ખેડાની 532 ગ્રામ પંચાયતોમાં ચૂંટણી માટે આજે જાહેરનામું પ્રસિદ્ધ થશે

- સરપંચ અને વોર્ડ બેઠક માટે ઉમેદવારી પત્ર રજૂ કરવા લોકો ઉમટશે

- શિક્ષકો, કર્મચારીઓને નવું શૈક્ષણિક સત્ર શરૂ થાય ત્યારે ચૂંટણીની તાલીમ આપવાનું આયોજન : આણંદમાં 159 અને ખેડામાં 91 ગ્રામ પંચાયતો માટે સામાન્ય ચૂંટણી

ગ્રામ પંચાયતોની ચૂંટણીમાં વિખવાદની સંભાવનાઓ વધુ હોય છે. લાંબા સમય પછી ર૭ ટકા અનામતનું કોકડું ઉકેલાયું છે અને ચૂંટણી યોજાતી હોવાથી અનેક ગામોમાં ગ્રામ પંચાયતનો ચૂંટણી જંગ વધુ ઘર્ષણવાળોબને તેવી દહેશત વ્યક્ત થઈ છે. 

ભરચોમાસે ચૂંટણી આયોજન થયું છે ત્યારે હવામાન વિભાગે પણ જૂન મહિનામાં અનેક વિસ્તારોમાં ભારેથી અતિભારે વરસાદની આગાહી કરતાં સરપંચ અને વોર્ડની ચૂંટણી લડતા અનેક ઉમેદવારો માટે વરસાદ વિલન બને તેવી સંભાવના છે. 

જયારે તા.રર જૂન, રવિવારે સવારે ૭થી સાંજના ૬ દરમિયાન ગ્રામ પંચાયતોમાં ચૂંટણી માટે મતદાન યોજાવવાનું છે. ત્યારે વધુ વરસાદ હોય તો મતદાનને ગંભીર અસર થવાનો પણ ભય ભાવિ ઉમેદવારોને સતાવી રહ્યો છે.

 ગત સપ્તાહે ચૂંટણીનું એલાન થતાં સરપંચ પદ માટે થનગનતા અનેક મૂરતિયાઓએ તેમના ટેકેદારો સાથે બેઠકો યોજી કયા વોર્ડમાં કોને ઉભા રાખવા તેના જ્ઞાાતિવાઈઝ ગણિત મૂકી દીધા છે. બીજી તરફ નવું શૈક્ષણિક સત્ર શરૂ થાય ત્યારે જ ચૂંટણીની તાલીમનું આયોજન કરાતા શિક્ષકો, કર્મચારીઓ ચૂંટણીના કામમાં જોતરાશે.આ વખતનો સરપંચ પદનો ચૂંટણી જંગ વધુ રસાકસી ભર્યો બને તે મોટાપાયે મતદારોનું હોર્સટ્રેડિંગ થવાની પણ ભીતિ સેવાઈ રહી છે. ગત તા.૨૮મી મેથી ચૂંટણી અંગેની આચારસંહિતા અમલી બની ગઈ છે. આજે ચૂંટણી યોજવા અંગેનું વિધિવત જાહેરનામું પ્રસિદ્ધ થતાં ચૂંટણી અધિકારી સમક્ષ મોટાપ્રમાણમાં ઉમેદવારીપત્રો તા.૯ જૂન સુધી રજૂ થશે. તા.૧૧ જૂનના રોજ બપોરે દરેક ગ્રામ પંચાયતોનું ચૂંટણી ચિત્ર સ્પષ્ટ થઈ જવાની સંભાવના છે.

ચૂંટણી અંગેનો કાર્યક્રમ

કેટલી ગ્રામ પંચાયતોમાં ચૂંટણી