એમ.એસ.યુનિ.માં હવે દર સોમવારે નો વ્હીકલ ડે મનાવાશે

વડોદરાઃ પેટ્રોલ અને ડિઝલની અછતની બૂમો અને ભાવ વધારા વચ્ચે હવે એમ.એસ.યુનિવર્સિટી સત્તાધીશોએ દરેક સોમવારે નો વ્હીકલ ડે ..મનાવવાની જાહેરાત કરી છે.

યુનિવર્સિટી સત્તાધીશોના કહેવા પ્રમાણે દરેક સોમવારે અધ્યાપકો, કર્મચારીઓ અને વિદ્યાર્થીઓને કેમ્પસમાં વાહન લાવવાનું ટાળવા માટે, શક્ય હોય ત્યાં સુધી સાયકલ લઈને કે પગપાળા આવવા માટે અથવા જાહેર પરિવહન સેવાનો ઉપયોગ કરવા માટે કે પછી કારપૂલિંગ કરવા માટે અપીલ કરવામાં આવી છે.

યુનિવર્સિટી દ્વારા એક પરિપત્ર પાઠવીને તમામ ફેકલ્ટી ડીનોને પણ આ અપીલ પર અધ્યાપકો અને કર્મચારીઓ અમલ કરે તે માટે  ધ્યાન આપવા માટે કહેવામાં આવ્યું છે.

સત્તાધીશોના કહેવા પ્રમાણે કેમ્પસમાં ૫૦૦૦૦ વિદ્યાર્થીઓ અભ્યાસ કરે છે.ઉપરાંત અધ્યાપકો અને કર્મચારીઓ તો અલગ.જો  આ પરિપત્ર પર અમલ કરાય તો દર સોમવારે  લાખો રુપિયાનું પેટ્રોલ- ડિઝલ બચાવી શકાય તેમ છે.