તળાજાના શાકમાર્કેટમાં કાદવ-કિચડના સામ્રાજયથી હાલાકી

- વરસાદી છાંટા પડતાની સાથે જામતા કિચડના થર

- કિચડમાં છાસવારે ગ્રાહકો ગબડી પડે છે, સમસ્યા કાયમી નિરાકરણ ઝંખે છે

ગઈકાલ રાત્રીથી તળાજામાં ઝરમર વરસાદ ભીંજવી રહ્યો છે.જેને લઈ શાક માર્કેટમાં જતા પહેલા કિચડમાં લપસવાની અથવા તો કીચડ વાળા થવાની તૈયારી હોય તે વ્યક્તિ જઈ શકે છે.તેમાં ય ખાસ કરીને મહિલાવર્ગને સાડી પહેરીને ત્યાંથી ચાલવું જોખમી બને છે. અત્રે ૫૦ થી ૧૦૦ ડગલાં ચાલવા માટે નાકે દમ આવી જાય છે.વેપારીવર્ગ પણ કાદવ-કિચડના કારણે ત્રાસી ગયા છે.આ સમસ્યા વર્ષોથી છે તેમ છતાંય પાલિકાના શાસકો કે ઈજનેર કક્ષાના કર્મચારીઓ હલ કરી શક્યા નથી.આથી  શાકમાર્કેટમાં આવતા લોકોએ વ્યથા અને રોષ વ્યક્ત કર્યો હતો.દરમિયાન તળાજાના ચીફ ઓફિસર આ સમસ્યાનોે કાયમી નિકાલ લાવે તેવી અપેક્ષા સેવાઇ રહી છે.