image : File photo
Vadodara Rain : વડોદરા શહેરમાં ભારે વરસાદ અને વાવાઝોડાને કારણે વિવિધ વિસ્તારોમાં 30થી વધુ વૃક્ષો તૂટી પડ્યા હતા. જેને કારણે ગાર્ડન શાખા અને ફાયર બ્રિગેડનું તંત્ર વૃક્ષ હટાવવાની કામગીરીમાં સતત વ્યસ્ત રહ્યું હતું.
શહેરમાં ગત રાત્રે અચાનક વાતાવરણમાં મોટો પલટો આવ્યો હતો. ગાજવીજ અને તેજ પવન સાથે વરસાદની શરૂઆત થઈ હતી. શહેરના વિવિધ વિસ્તારોમાં ધોધમાર વરસાદ વરસ્યો હતો. વાવાઝોડા જેવી સ્થિતિ વચ્ચે પવનના જોરદાર સુસવાટાના કારણે શહેરના વિવિધ વિસ્તારમાં અંદાજે 30 જેટલા ઝાડ ધરાશાયી થવાની માહિતી ફાયર બ્રિગેડને મળી હતી. જે બાદ સતત બીજા દિવસે પણ ધરાશાયી થઈ ગયેલા વૃક્ષને દૂર કરવાની કામગીરી ચાલુ રાખવામાં આવી હતી. લાંબા સમયથી પડતી ગરમી વચ્ચે હવામાનમાં ઠંડક પ્રસરી હતી. વરસાદથી લોકોને ગરમીમાંથી મોટી રાહત મળી. અચાનક બદલાયેલા વાતાવરણથી રસ્તાઓ પર પાણી ભરાયા હતા. રાત્રિના સમયે વરસાદથી જનજીવન પર આંશિક અસર થઈ હતી. હવામાનમાં આવેલા ફેરફારથી શહેરવાસીઓમાં ખુશીનો માહોલ જોવા મળ્યો હતો.
