વડોદરા રેલવે ડિવિઝનમાં આધુનિક બાયોમેટ્રિક સિસ્ટમ લાગુ કરવામાં આવી

ટીટીઈ હવે ડિજિટલ હાજરી નોંધાવશે

વહીવટી કાર્યપ્રણાલીમાં સુધારો થવા સાથે ફરજના રેકોર્ડમાં ગેરરીતિ થઈ શકશે નહીં

Updated: Sep 8th, 2025

GS TEAM

વડોદરા રેલવે ડિવિઝનમાં બાયોમેટ્રિક સિસ્ટમ લાગુ કરવામાં આવી છે. ટીટીઈ હવે ડિજિટલ હાજરી નોંધાવશે. આ સિસ્ટમથી વહીવટી કાર્ય પ્રણાલીમાં સુધારો થવા સાથે ફરજ પરના રેકોર્ડમાં કોઈપણ પ્રકારની અનિયમિતતા કે ગેરરીતિ થતી હશે તો તે અટકાવી શકાશે.

હવે ટીટીઈ (ટ્રાવેલિંગ ટિકિટ એક્ઝામિનર ) તેમની ફરજની શરૂઆતમાં બાયોમેટ્રિક સાઇન-ઇન કરશે અને અંતમાં સાઇન-આઉટ કરશે. આ વ્યવસ્થાથી કર્મચારીઓની વાસ્તવિક સમયની હાજરી રેકોર્ડ કરશે. અને ડ્યૂટી રેકોર્ડમાં સંપૂર્ણ પારદર્શિતા અને વિશ્વસનીયતા પણ સુનિશ્ચિત થશે. તેમજ સાઇન-ઇન અને સાઇન-આઉટની પ્રક્રિયા ઝડપી, સરળ અને સુરક્ષિત બનશે. ટીટીઈ લોબી એપ્લિકેશનને સી-ડેક (કેન્દ્રીય ઇલેક્ટ્રોનિક્સ અને માહિતી ટેકનોલોજી મંત્રાલયની વૈજ્ઞાનિક સંસ્થા) ના પોર્ટલ સાથે સંકલિત કરવામાં આવી છે. આ સિસ્ટમ હાલમાં વડોદરા, ભરૂચ, અંકલેશ્વર, આણંદ, છાયાપુરી, ગોધરા, નડિયાદ અને એકતાનગરમાં આધાર-આધારિત બાયોમેટ્રિક ઓથેન્ટિકેશન  સિસ્ટમ કાર્યરત કરાઇ છે. આ સિસ્ટમના અમલીકરણથી કર્મચારીઓની હાજરીનું અસરકારક રીતે નિરીક્ષણ કરવું શક્ય બનશે અને ફરજના રેકોર્ડમાં કોઈપણ પ્રકારની અનિયમિતતા કે વિસંગતતા અટકાવવામાં આવશે. આ પહેલ  રેલવેના ડિજિટલ ઈન્ડિયા અને સ્માર્ટ રેલ્વે મિશનને પ્રોત્સાહન સાથે વહીવટી કામગીરીમાં નોંધપાત્ર સુધારો લાવવામાં પણ મદદરૂપ સાબિત થશે.