Get The App

પૂર્વ કચ્છમાં માત્ર 2 દિવસમાં જ ખનીજ ચોરી કરતાં વાહનો સહિત 2.50 કરોડનો મુદ્દામાલ ઝડપાયો

Updated: Jan 8th, 2025

GS TEAM

Google News
Google News
પૂર્વ કચ્છમાં માત્ર 2 દિવસમાં જ ખનીજ ચોરી કરતાં વાહનો સહિત 2.50 કરોડનો મુદ્દામાલ ઝડપાયો 1 - image


લાકડીયા-ઓડીસર રોડમ મીઠીરોહર, અંજાર અને મુન્દ્રાના સિરાચા સુધી કરાઇ કાર્યવાહી 

ગાંધીધામ: પૂર્વ કચ્છ ખાણ ખનીજ ખાતા દ્વારા સતત કામગીરી કરવામાં આવી રહી છે અને સરપ્રાઈજ ચેકીંગ કરી જપ્ત કરવા સહિતની કામગીરી કરવામાં આવતા ખનીજ ચોરી કરી રહેલા તત્વોમાં ફફડાટ ફેલાયો છે ત્યારે પૂર્વ કચ્છ ખનીજ ખાતા દ્વારા તબક્કાવાર કામગીરી કરી લાકડીયા-ઓડીસર રોડથી લઈ અને મીઠીરોહર તથા અંજાર તથા મુન્દ્રાના સિરાચા સુધી કાર્યવાહી કરવામાં આવી છે. 

આ બાબતે મળતી વિગતો મુજબ  પૂર્વ કચ્છ ખાણ ખનીજ વિભાગના ભૂસ્તરશાી એન.એ. પટેલ અને તેમની ટીમ દ્વારા પૂર્વ કચ્છ જિલ્લામાં જુદા જુદા સ્થળે તપાસ દરમિયાન ૭ ડમ્પર જપ્ત કરવામા આવ્યા છે. ગત તા.૭-૧-૨૫ ના રોજ આડેસર દરમિયાન ચાઈનાકલે ખનીજના બિન-અધિકૃત વહન કરતા ૩ ડમ્પર જપ્ત કરવામા આવ્યા છે અને એક ડમ્પર બ્લેકટ્રેપ ખનીજના બિન-અધિકૃત વહન બદલ જપ્ત કરવામાં આવ્યા છે. તેમજ મીઠીરોહર પાસેથી એક ડમ્પર મોરમ ખનીજ ના બિન- અધિકૃત વહન બદલ જમા કરવામા આવ્યો છે. ગત તા.૬-૧-૨૫ ના મુન્દ્રા તાલુકાના સીરાચા પાસેથી સાદી રેતીના બિન- અધિકૃત વહન બદલ ૧ ડમ્પર અને અંજાર તાલુકા માંથી એક ડમ્પર બિન-અધિકૃત ખનિજ વહનમા જપ્ત કરવામા આવ્યો છે. આમ ટીમ દ્વારા સતત ચેકિંગ હાથ ધરતા ૭ ડમ્પર જપ્ત કરી ૨.૫ કરોડનો મુદામાલ જપ્ત કરવામાં આવ્યો હોવાનું જણાવવામાં આવ્યું હતું. 

Tags :