રામપર ગામે ટ્રેક્ટર અને મોપેડ અથડાતા આધેડનું મોત

- મૃતકના ભત્રીજાએ ટ્રેક્ટર ચાલક વિરુધ્ધ ફરિયાદ નોંધાવી

- આધેડ પોતાનું મોપેડ લઈને વાડીએથી ઘર તરફ જતા હતા ત્યારે અકસ્માત સર્જાયો

બળવળા તાલુકાના રામપરા ગામે રહેતા ભાલજીભાઈ ગોવિંદભાઈ દેત્રોજા પોતાનું ટીવીએસ મોપેડ નંબર જીજે-૩૩-સી-૫૭૪૨ લઈને પોતાની વાડીએથી ઘર તરફ આવતા હતા. તે દરમિયાન ગામમાં આવેલી વાડી પાસે સામેથી આવી રહેલ ટ્રેક્ટર નંબર જીજે-૦૪-ઇઇ-૧૬૬૩ના ચાલકે પોતાનું વાહન પુરઝડપે અને બેફિકરાઈથી ચલાવી મોપેડ સાથે અથડાવી દેતા ભાલજીભાઈને ગંભીર ઇજા થતા ભાવનગરની સર ટી.હોસ્પિટલે ખસેડવામાં આવ્યા હતા. જ્યાં તેમની સ્થિતિ વધુ ગંભીર બનતા તેમણે અમદાવાદની હોસ્પિટલમાં ખસેડવામાં આવ્યા હતા, જ્યાં તેનું મોત નિપજ્યું હતી. આ બનાવ અંગે મૃતકના ભત્રીજા અશોકભાઇએ ટ્રેક્ટર ચાલક વિરૂધ્ધ બરવાળા પોલીસ મથકમાં ફરિયાદ નોંધાવી છે.