Gujarat
ડોર ટુ ડોર માટે મટીરીયલ રિકવરી ફેસીલીટી શરૂ થઈ નથી
કોર્પોરેશને પૂર્વ ઝોનમાં ડોર ટુ ડોરનો નવો ઇજારો આપ્યો હતો. માર્ચ મહિનામાં આપેલ ઇજારામાં અત્યાર સુધી મટીરીયલ રિકવરી ફેસીલીટી (એમઆરએફ) ઉભી ન થતા આ મામલે કેટલાક નગરસેવકો નારાજ થયા છે. તેમ છતાં તંત્ર ઈજરદાર સામે નરમ વલણ દાખવી ઝડપી કાર્યવાહી કરાવી રહ્યું નથી.
કોર્પોરેશનને પૂર્વ ઝોનમાં ડોર ટુ ડોર માટે નવો ઇજારો આપ્યો હતો. માર્ચ મહિનામાં ઇજારો અપાયા બાદ ત્યાં મટીરીયલ રિકવરી ફેસીલીટી ઉભી કરવાની હતી. જેથી સુકો કચરો, ભીનો કચરો અને તમામ કચરાને છૂટો પાડી શકાય. આ મામલે ઇજારો અપાયા બાદ આજે પાંચ મહિના હોવા છતાં પૂર્વ ઝોનમાં મટીરીયલ રિકવરી ફેસીલીટી ઉભી કરવામાં આવી નથી. સ્થાનિક કાઉન્સિલરોએ ઈજારદાર દ્વારા જરૂરી કાર્યવાહી કરવા મામલે વહીવટી વિભાગ સમક્ષ રજૂઆત કરી હતી. તેમ છતાં અધિકારીઓ ઈજારદારને છાવરતા હોય તેમ આ અંગે પૂર્વ ઝોનમાં એમઆરએફ સેન્ટર શરૂ કરવામાં આવ્યું નથી. આ મામલે આગામી દિવસોમાં વિવાદ વધે તેવા એંધાણ છે.
