વેબસાઈટના માધ્યમથી ક્રિકેટનો સટ્ટો રમતો ઉમરેઠનો શખ્સ ઝડપાયો

- આણંદ પાસેના વિદ્યાનગર ખાતેથી પકડાયો

- આઈડી પાસવર્ડ મંગાવી મોબાઈલથી સટ્ટો રમતો હતો

વિદ્યાનગર પોલીસ ટીમ પેટ્રોલિંગમાં હતી. દરમિયાન રાતે યુવક વિદ્યાનગરના ભાઈકાકા સર્કલથી એનસીસી કેન્ટિન તરફ જવાના માર્ગ ઉપર મોબાઈલના માધ્યમથી આઈપીએલની હૈદરાબાદ અને લખનૌની મેચ ઉપર વેબસાઈટના માધ્યમથી ઓનલાઈન સટ્ટો રમી રહ્યો હતો. પોલીસે શખ્સને ઝડપી તેની પૂછપરછ કરતા તે મૂળ ઉમરેઠનો રહેવાસી અને આઈસીઆઈસી બેંકમાં નોકરી કરતો ષિ અતુલભાઇ શાહ હોવાનું જણાવ્યું હતું. પોલીસે તેની પાસેથી બે મોબાઈલ તથા રોકડા રૂપિયા ૧૨૦૦ મળી રૂપિયા ૩૧૨૦૦નો મુદ્દા માલ જપ્ત કર્યો હતો. વધુ પુછપરછમાં બાકરોલ ખાતે રહેતા ઈકબાલહુસેન યુસુફ મિયા મલેક, મીત અતુલભાઇ ચૌહાણ રહે. ડાકોર અને જાની શેખ રહે. ખેડાવાળા પાસેથી આઈડી પાસવર્ડ મંગાવી ક્રિકેટનો ઓનલાઈન સટ્ટો રમતો હોવાની કબુલાત કરી હતી. પોલીસે ચારે શખ્સો વિરૂદ્ધ ગુનો દાખલ કર્યો હતો.