કાર રીવર્સ ચલાવી વૃધ્ધને હડફેટે લીધા, સમજાવતા ખુનની ધમકી

શિતલ પાર્ક પાસે શહીદ સુખદેવસિંહ ટાઉનશીપનો બનાવ

પુત્રીના ઘરે રોકાવા ગયેલા વૃધ્ધ એપાર્ટમેન્ટ પાસે બેઠા હતા ત્યારે ઘટનાઃ કાર ચાલક સામે ગુનો

દેવજીભાઈ ગઈ તા.રનાં પુત્રી સોનલબેન (રહે. શહીદ સુખદેવસિંહ ટાઉનશિપ)ના ઘરે રોકાવા ગયા હતા. તે એપાર્ટમેન્ટ નીચે બહાર બેઠા હતા ત્યારે એપાર્ટમેન્ટના પાર્કિંગમાંથી આરોપી પુલીને કાર પુરપાટ વેગે રીવર્સમાં લઈ તેને હડફેટે લેતાં ઈજા પહોંચી હતી. બુમાબુમ થતા તેની પુત્રી સોનલબેન ઉપરાંત અન્ય રહેવાસીઓ એકઠા થઈ ગયા હતા. આ સમયે દેવજીભાઈએ 'આવી રીતે કાર ન ચલાવાય' કહેતા આરોપીએ તેને અને તેની પુત્રી સોનલબેનને ગાળો દઈ 'અહીં ગાડી ચલાવતા હોય ત્યારે રસ્તામાં બેસાય નહી, આતો કાર છે, મારી ટ્રક હોય તે પણ ચડાવી દઉ' કહી ધમકી આપી હતી. બીજી તરફ ઈજા થતા દેવજીભાઈને ખાનગી હોસ્પિટલે ખસેડાયા હતા.