કાલાવડ નજીક વાડી વિસ્તારમાંથી શખ્સ 236 નંગ ઇંગ્લિશ દારૂની બોટલો સાથે LCBના હાથે ઝડપાયો : સપ્લાયરનું નામ ખુલ્યું

Jamnagar Liquor Crime : જામનગરની લોકલ ક્રાઈમ બ્રાન્ચની ટીમે ગઈકાલે રાત્રે કાલાવડ પંથકમાં ઈંગ્લીશ દારૂ અંગે દરોડો પાડયો હતો, અને 236 નંગ ઇંગ્લિશ દારૂની બાટલીના જથ્થા સાથે વાડી વિસ્તારમાંથી એક શખ્સને ઝડપી લીધો છે.

 જામનગરની લોકલ ક્રાઈમ બ્રાન્ચની ટીમને બાતમી મળી હતી, કે કાલાવડમાં ખોડીયાર પરા વિસ્તારમાં રહેતો કેતન ઉર્ફે પીપીઓ વાલજીભાઈ વૈષ્ણવ નામનો શખ્સ વાડી વિસ્તારમાં ઈંગ્લીશ દારૂની હેરાફેરી કરી રહ્યો છે, જે બાતમીના આધારે એલસીબીની ટુકડીએ ગઈ રાત્રે દરોડો પાડયો હતો, અને કેતન વૈષ્ણવને રૂપિયા 59,500 ની કિંમતની 236 નંગ નાની ઇંગ્લિશ દારૂની બોટલોના જથ્થા સાથે ઝડપી લીધો છે.

 જેની સામે કાલાવડ પોલીસ મધકમાં દારૂબંધી ભંગ અંગે ગુનો દાખલ કરાવ્યો છે. પોલીસની વધુ પૂછપરછ દરમિયાન તેને ઉપરોકત દારૂનો જથ્થો કાલાવડ તાલુકાના મૂળીલા ગામમાં રહેતા મહિપાલસિંહ ઉર્ફે કાનો મહેન્દ્રસિંહ જાડેજાએ સપ્લાય કર્યો હોવાથી પોલીસે તેને ફરાર જાહેર કરી શોધખોળ હાથ ધરી છે.