મકરપુરા જીઆઇડીસીની ૨ેક્સ ટોન ઇન્ડસ્ટ્રીઝ કંપનીને 5 લાખનો દંડ
કંપનીના ગોડાઉનમાં કોર્પોરેશન તથા જીપીસીબીની સંયુક્ત કાર્યવાહી
વિશ્વામિત્રી નદીમાં કેમિકલયુક્ત પાણી છોડવા મામલે
Updated: Jul 19th, 2025
GS TEAM
કોટેશ્વ૨ નાળા પાસે વિશ્વામિત્રી નદીમાં લાલ રંગનું કેમિકલ યુક્ત મલિનજળ છોડવા મામલે વીએમસી અને જીપીસીબીની ટીમે મકરપુરા જીઆઇડીસીની ૨ેક્સ ટોન ઇન્ડસ્ટ્રીઝ કંપનીને રૂ. 5 લાખનો દંડ ફટકારી ડ્રેનેજ તથા વીજ જોડાણ કાપી આગળની કાર્યવાહી હાથ ધરી હતી.
મ્યુનિસિપલ સભાસદ દ્વારા કોટેશ્વ૨ નાળા પાસે વિશ્વામિત્રી નદીમાં લાલ રંગનું કેમિકલ યુક્ત મલિનજળ જોવા મળેલ જે બાબતે તેઓ દ્વારા દક્ષિણ ઝોન એન્જિનિયરિંગ વિભાગ તેમજ ડ્રેનેજ પ્રોજેક્ટ ખાતે જાણ ક૨તા દક્ષિણ ઝોનના એન્જિનિયરિંગ વિભાગના તેમજ ડ્રેનેજ પ્રોજેક્ટ અંતર્ગતની પબ્લિક હેલ્થ એન્જિનિયરિંગ લેબો૨ેટ૨ી સાથે ગુજરાત પ્રદૂષણ નિયંત્રણ બોર્ડના અધિકારીઓની સંયુક્ત ટીમ દ્વારા તાત્કાલીક સ્થળ તપાસ ક૨વામાં આવી હતી. અને મસિયા કાંસ તેમજ મક૨પુ૨ા જીઆઇડીસી વિસ્તા૨માં આવેલા ઔદ્યોગિક એકમોની સઘન તપાસ કરાતા મકરપુરા જીઆઇડીસી ખાતે પ્લોટ નંબ૨ સી-૧ / ૩૫૧ / ૪ ખાતે આવેલ ૨ેક્સ ટોન ઇન્ડસ્ટ્રીઝ પ્રાઇવેટ લિમિટેડ દ્વારા લાલ રંગનું કેમિકલ યુક્ત મલિનજળ કોર્પોરેશનની ડ્રેનેજ લાઈનમાં છોડવામાં આવતું હોવાનું જણાઈ આવ્યું હતું. જેથી તાત્કાલિક ધો૨ણે પબ્લીક હેલ્થ એંજીનિયરીંગ લેબોરેટરી દ્વા૨ા તેમજ જીપીસીબી દ્વારા નમૂનાઓ મેળવી કંપનીનું ડ્રેનેજ કનેક્શન બંધ ક૨વામાં આવ્યું હતું. ડ્રેનેજ પ્રોજેક્ટ શાખા દ્વારા રૂ.5 લાખનો દંડ ફટકારતી નોટિસ પાઠવવામાં આવી હતી. તથા ગુજરાત પ્રદૂષણ નિયંત્રણ બોર્ડ દ્વારા કંપનીનું નિયમ મુજબ વીજ જોડાણ કાપવા તથા નિયમ અનુસા૨ ભ૨વા પાત્ર દંડ માટેની કાર્યવાહી હાથ ધરવામાં આવી હતી.
