Gujarat

શરમજનક: જામનગરના જામજોધપુરમાં 3 વર્ષ સુધી પુત્રી સાથે દુષ્કર્મ આચર્યાનો પિતા પર જ આરોપ

By GS TEAM
17 Jun 20261 min read
TukuTouch Logo
જામનગર જિલ્લાના જામજોધપુર તાલુકાના એક ગામમાં માનવતાને શરમાવે તેવી ગંભીર ઘટના સામે આવી છે. પોતાની જ પુત્રી પર લાંબા સમય સુધી દુષ્કર્મ આચર્યાના આક્ષેપ સાથે એક પિતા સામે જામજોધપુર પોલીસ મથકે દુષ્કર્મ અને પોક્સો સહિતની ગંભીર કલમો હેઠળ ગુનો નોંધવામાં આવ્યો છે.

Summarized by AI; it may make mistakes. Check important info

શરમજનક: જામનગરના જામજોધપુરમાં 3 વર્ષ સુધી પુત્રી સાથે દુષ્કર્મ આચર્યાનો પિતા પર જ આરોપ

Jamnagar News: જામનગર જિલ્લાના જામજોધપુર તાલુકાના એક ગામમાં માનવતાને શરમાવે તેવી ગંભીર ઘટના સામે આવી છે. પોતાની જ પુત્રી પર લાંબા સમય સુધી દુષ્કર્મ આચર્યાના આક્ષેપ સાથે એક પિતા સામે જામજોધપુર પોલીસ મથકે દુષ્કર્મ અને પોક્સો સહિતની ગંભીર કલમો હેઠળ ગુનો નોંધવામાં આવ્યો છે.

પુત્રી પર દુષ્કર્મ આચર્યાનો પિતા સામે આરોપ 

પોલીસ ફરિયાદ મુજબ, પીડિતા સગીર વયની હતી ત્યારથી આરોપી પિતા દ્વારા ઘરના અન્ય સભ્યોની ગેરહાજરીમાં ધાકધમકી આપી વારંવાર શારીરિક શોષણ કરવામાં આવતું હતું. ફરિયાદમાં આરોપ મૂકવામાં આવ્યો છે કે છેલ્લા અંદાજે ત્રણ વર્ષથી આરોપી પિતા પુત્રી પર દુષ્કર્મ આચરતો હતો. પીડિતા ત્રણ મહિના અગાઉ જ પુખ્ત વયમાં પ્રવેશી હતી. લાંબા સમયથી ચાલતા કથિત શોષણથી કંટાળી અંતે તેણીએ હિંમત દાખવી પોલીસ સમક્ષ ફરિયાદ નોંધાવી હતી.

ફરિયાદના આધારે જામજોધપુર પોલીસે આરોપી પિતા સામે દુષ્કર્મ સંબંધિત કલમો ઉપરાંત પીડિતા સગીર વયની હતી તે સમયગાળાને ધ્યાનમાં રાખી પોક્સો અધિનિયમ હેઠળ પણ ગુનો નોંધ્યો છે.

આરોપીની અટકાયત 

બનાવની ગંભીરતાને ધ્યાનમાં રાખી પોલીસે આરોપીની અટકાયત કરી લીધી છે. વધુ પૂછપરછ અને તપાસ માટે આરોપીને કોર્ટમાં રજૂ કરી રિમાન્ડ મેળવવાની કાર્યવાહી હાથ ધરવામાં આવી રહી છે.