વાહનની ડેકી તોડીને રોકડા રૃા. ૪.૩૨ લાખ ચોરી કરી

અમદાવાદ,શનિવાર

પૂર્વ વિસ્તારમાં તસ્કર અને લૂંટારુ ટોળકીનો દિન પ્રતિદિન તરખાટ મચાવી રહ્યા છે. પીછો કરીને નિર્દોષ લોકોને માર મારીને લૂંટી રહ્યા હોવાના  બનાવા વધી રહ્યો છે. ઇસનપુરમાં મોબાઇ અને વાહનની લે-વેચ કરતા વેપારી આંગડિયા પેઢીમાંથી રૃપિયા લઇને આવ્યા હતા અને શાહઆલમ ખાતે વાહન પાર્ક કર્યું હતું. જ્યાં સ્કૂટરની ડેકી તોડીને બે શખ્સો રૃપિયા ૪.૩૨ લાખ લઇને નાસી ગયા હતા. આ બનાવ અંગે ઇસનપુર પોલીસે ગુનો નોંધી સીસીટીવી ફૂટેજ આધારે વધારે વધુ તપાસ હાથ ધરી છે.

વેપારી આંગડિયામાંથી રૃપિયા લઇને આવી સ્કૂટર કોમ્પલેક્ષ પાસે પાર્ક કર્યું  ઃ ડેડી તોડતા બે શખ્સો કેમેરામાં કેદ ઃઇસનપુર પોલીસે ગુનો નોંધી તપાસ હાથ ધરી

શાહઆલમમાં રહેતા વેપારીએ ઇસનપુર પોલીસ સ્ટેશનમાં બે અજાણી વ્યક્તિ સામે ફરિયાદ નોંધાવી છે કે યુવક તા. ૧૭-૦૨-૨૬ના રોજ  સાંજે નારોલમાં આવેલી આંગડિયા પેઢીમાંથી રૃા. ૪.૩૨ લાખ રોકડા લઇને સ્કૂટરની ડેકીમાં મૂક્યા હતા. 

   શાહઆલમમાં ખેરુવાલા કોમ્પલેક્ષ પાસે વાહન પાર્ક કરીને મિત્ર સાથે ઘંટાકર્ણ માર્કેટ પાસે પેમેન્ટ લેવા ગયા હતા.  પરત આવીને ઘરે જઇને ડેકીમાંથી રૃપિયા લેવા જતા ચોરીની જાણ થઇ હતી. જેથી કોમ્પલેક્ષ પાસે જઇને સીસીટીવી ચેક કરતા અજાણ્યો શખ્સ ડેકી તોડીને બાઇક પર તેના સાગરિત સાથે ભાગી જતો દેખાઇ રહ્યો હતો.