વર્લ્ડ મેમણ ઓર્ગેનાઈઝેશનની પ્રેરણાદાયી પહેલ: જામનગરના 86 જરૂરિયાતમંદ પરિવારને મળશે ઘરનું ઘર

જામનગરના જરૂરિયાતમંદ મેમણ પરિવાર માટે વર્લ્ડ મેમણ ઓર્ગેનાઇઝેશન દ્વારા કાલાવડ નાકા બહાર મોરકંડા રોડ પર અનમોલ પાર્ક ખાતે આધુનિક સુવિધા યુક્ત 43 ટેનામેન્ટ બનાવવામાં આવ્યા છે અને આ ટેનામેન્ટ વર્લ્ડ મેમણ ઓર્ગેનાઈઝેશનના ડો. હસીન અઘાડી તેમજ હલાઈ મેમણ જમાતના પ્રમુખ હાજી અ. રસીદ લુસવાલા (ગુડલક) સહિત વર્લ્ડ મેમણ ઓર્ગેનાઈઝેશન અને હાલાઈ મેમણ જમાતના હોદ્દેદારોની ઉપસ્થિતિમાં આવતીકાલે જામનગર મેમણ જમાતના 86 જેટલા જરૂરિયાતમંદોને મકાનની ચાવી સોંપવામાં આવશે. નોંધનીય છે કે, જમાતના જરૂરિયાતમંદ વિદ્યાર્થીઓને સ્કોલરશીપ તેમજ સ્વરોજગારી માટે રૂપિયા 7 લાખ સુધીની વગર વ્યાજે લોન પણ આપવામાં આવેછે.