ખેડા જિલ્લામાં બાજરીનું 25,718 અને ડાંગરનું 17,901 હેક્ટરમાં વાવેતર

- બાજરીના વાવેતરમાં 13 ટકાનો અને ડાંગરમાં 25 ટકાનો વધારો

- મિલેટની અવેરનેસ અને એમએસપીના ભાવ વધારાને લીધે જિલ્લાના ખેડૂતો ધાન્ય પાકના વાવેતર તરફ વળ્યા

- આ વર્ષે ખેડા જિલ્લામાં ઉનાળુ બાજરીમાં ૩,૦૧૩ અને ડાંગરમાં ૩,૬૫૯ હેક્ટરમાં વાવેતર વધ્યું 

ચાલુ વર્ષે ૧૦૦ કિલો બાજરીનો એમએસપીનો ભાવ ૨૬૨૫ નક્કી કરાયો છે એટલે રૂ.૧૨૫નો ભાવ વધારો થયો છે. આ સાથે ડાંગરના  ૧૦૦ કિલોના એમએસપીમાં ૧૧૭ના વધારા સાથે રૂ.૨૩૦૦ કરાયા છે. આ વર્ષે બાજરીના વાવેતરમાં ૧૩ ટકાનો અને ડાંગરમાં ૨૫ ટકાનો વધારો થયો છે. આ વર્ષે ખેડા જિલ્લામાં બાજરીનું ૬૬,૮૯૨ મેટ્રિક ટન અને ડાંગરનું ૮૦,૫૫૪ મેટ્રિક ટન ઉત્પાદન થવાનો અંદાજ છે. 

- મગફળીના વાવેતરમાં આંશિક ઘટાડો 

૨૦૨૩-૨૪માં ખેડા જિલ્લામાં ૫૧૨ હેક્ટરમાં મગફળીનું વાવેતર થયું હતું તેની સામે આ વર્ષે ૨૪ હેક્ટર ઓછા વાવેતર સાથે ૪૮૮ હેક્ટર વાવેતર થયું છે. કપડવંજ તાલુકામાં સૌથી વધારે ૨૦૨ હેક્ટર સાથે સૌથી વધારે મગફળીનું વાવેતર થયું છે.