વડોદરાના વાઘોડિયા રોડ પર અકસ્માતના પગલે જીમ સંચાલકે ડિલિવરી બોયને માર મારી ધમકી આપી

Vadodara Accident : વડોદરાના વાઘોડિયા રોડ પર રોડ ક્રોસ કરતા જીમ સંચાલકને બાઈક ચાલક ફૂડ ડિલિવરી બોયે ટક્કર મારતા મારામારી થઈ હતી. જે અંગે બંને પક્ષ દ્વારા સામસામે ફરિયાદ નોંધાવવામાં આવી છે.

આજવા વાઘોડિયા રીંગરોડ પર વ્રજધામ સોસાયટીમાં રહેતો અજય સુરેન્દ્રનગર ગોસ્વામી વાઘોડિયા રોડ ડી માર્ટ પાસે આવેલ તૃપ્ત કોમ્પ્લેક્સમાં સ્ટાર ફિટનેસ જીમ ચલાવે છે. પાણીગેટ પોલીસ સ્ટેશનમાં તેણે ફરિયાદ નોંધાવી જણાવ્યું છે કે ગઈકાલે બપોરે હું અને મારી પત્ની રીચા મારી કાર લઈને જીમ પર જતા હતા. મારી કાર પાર્ક કરીને અમે ચાલતા રોડ ક્રોસ કરતા હતા તે દરમિયાન ડી માર્ટ ત્રણ રસ્તા તરફથી એક બાઈક ચાલક પૂર ઝડપે આવ્યો હતો અને મને ટક્કર મારતા તેની બાઈકનું આગળનું વ્હીલ મારા ડાબા પગ પર ચડી ગયું હતું. મેં પોલીસમાં ફોન કરતા પોલીસ તેને લઈ ગઈ હતી. બાઈક ચાલકનું નામ રાજ સંજયભાઈ રાજપુત (રહે-સમૃદ્ધિ રેસીડેન્સી, સોમા તળાવ બ્રિજ પાસે) ની સામે પોલીસે ગુનો દાખલ કર્યો છે.

જ્યારે સામા પક્ષે રાજ રાજપૂતે જીવ સંચાલક અજય ગોસ્વામી સામે ફરિયાદ નોંધાવી જણાવ્યું છે કે અકસ્માત થતાં મેં મારી બાઇક ઉભી રાખી હતી . અજય ગોસ્વામીએ મને નીચે ઉતારી લાફા મારી દીધા હતા અને મારો ગળું દબાવી રોડની સાઈડ પર લઈ જઈ ગાળો બોલી મારે નાખવાની ધમકી આપી હતી અને કહ્યું હતું કે તારે જેને બોલાવવા હોય તેને બોલાવી લે અહીં ઉપર જ મારું સ્ટાર ફિટનેસ જીમ ચાલે છે.