Gujarat Weather Forecast: રાજ્યભરમાં હાલ લોકો હાડ થીજવતી ઠંડીનો અનુભવ કરી રહ્યા છે. અમદાવાદમાં સળંગ બીજા દિવસે 12.1 ડિગ્રી સરેરાશ લઘુત્તમ તાપમાન સાથે ઠંડીનો ચમકારો યથાવત્ રહ્યો હતો. બીજી બાજુ ગુજરાતના 8 શહેરમાં 13 ડિગ્રીથી નીચું સરેરાશ લઘુત્તમ તાપમાન નોંધાયું હતું.
ઉત્તરાયણમાં પડશે કડકડતી ઠંડી
હવામાન વિભાગના જણાવ્યા અનુસાર, ગુજરાતમાં અમદાવાદમાં 12.1, ડીસામાં 8.8, વડોદરામાં 11.4, સુરતમાં 15.5, ભુજમાં 9.2, નલિયામાં 3.4, કંડલા 12.4, ભાવનગરમાં 12.6, દ્વારકામાં 13.8, રાજકોટમાં 7.3 અને વેરાવળમાં 15.8 ડિગ્રી તાપમાન નોંધાયું હતું. છેલ્લા ચાર દિવસમાં અમદાવાદનું તાપમાન 6 ડિગ્રી જેટલું ઘટ્યું છે. હવામાન નિષ્ણાતોને મતે ગુરુવાર-શુક્રવારે ઠંડીમાં સાધારણ ઘટાડો થઈ શકે છે અને ત્યારબાદ 12થી 14 જાન્યુઆરીથી ફરી કડકડતી ઠંડીનો અનુભવ થવાની સંભાવના છે.
ગત રાત્રે નલિયામાં 6.2 ડિગ્રી સાથે સૌથી નીચું તાપમાન નોંધાયું હતું. રાજ્યમાં બીજે જ્યાં ઠંડીનો ચમકારો વધારે અનુભવાયો તેમાં રાજકોટ, ભુજ, ગાંધીનગર, દાહોદ, ડીસા, અમરેલી, ડાંગનો સમાવેશ થાય છે. હવામાન વિભાગે જણાવ્યું છે કે, ‘આગામી 48 કલાક તાપમાનમાં ફેરફારની સંભાવના નહીંવત્ છે. ત્યારબાદ તાપમાનમાં 3 ડિગ્રી જેટલો વધારો થઈ શકે છે.’
ગુજરાતમાં ક્યાં વધારે ઠંડી?
