સુરતમાં રફ્તારનો કહેર, ટ્રકચાલકે મોપેડ પર જતી યુવતીને કચડી નાખતાં મોત, CCTVમાં ઘટના કેદ

Surat Accident CCTV : સુરત શહેરમાં ફરી એકવાર રફતારનો કહેર જોવા મળ્યો છે. ડુમસ એરપોર્ટ રોડ પર ભારે મિક્ષર મશીન ટ્રકે મોપેડને અડફેટે લીધું હતું. જેમાં 22 વર્ષીય યુવતીનું મૃત્યુ નીપજ્યું હતું. આ ઘટના ત્યારે બની જ્યારે યુવતી ઘરેથી ઓફિસે જવા નીકળી હતી. આ ઘટના રોડ કિનારે લાગેલા સીસીટીવી કેમેરામાં કેદ થઈ ગઇ હતી.

અકસ્માત બાદ લોકોની ભીડ એકઠી થઇ 

વીડિયોમાં જોઈ શકાય છે કે અકસ્માત બાદ રાહદારીઓની ભીડ જમા થઇ ગઇ હતી અને ટ્રકચાલકને ઘેરી લેવામાં આવ્યો હતો. લોકોએ આ દરમિયાન કડક કાર્યવાહીની માગ કરતા નારેબાજી પણ કરી હતી. આ ઘટનાની જાણ થતાં ડુમસ પોલીસ ઘટનાસ્થળે ત્વરિત દોડી આવી હતી અને વધુ તપાસ હાથ ધરી હતી.