સ્થાનિક સ્વરાજ્યની ચૂંટણી ટૂંક સમયમાં થઈ શકે જાહેર, આખરી મતદાર યાદીની તારીખ આવી સામે

Gujarat Local Body Election : ગુજરાતમાં સ્થાનિક સ્વરાજ્યની ચૂંટણીને લઈને અગત્યના સમાચાર સામે આવ્યા છે. જેમાં 15 મહાનગરપાલિકા, 84 નગરપાલિકા, 34 જિલ્લા પંચાયત અને 260 તાલુકા પંચાયતની ચૂંટણી યોજાવાની છે, ત્યારે રાજ્ય ચૂંટણી પંચ દ્વારા સ્થાનિક સ્વરાજ્યની ચૂંટણી હેઠળની સંસ્થાઓની મતદાર યાદીની આખરી પ્રસિદ્ધિ બાબતે તારીખ જાહેર કરવામાં આવી છે. 

આખરી મતદાર યાદીની તારીખ આવી સામે

રાજ્ય ચૂંટણી પંચ દ્વારા આજે(29 માર્ચ) સ્થાનિક સ્વરાજ્યની ચૂંટણીને લઈને માહિતી આપી છે. જેમાં જણાવ્યું છે કે, સ્થાનિક સ્વરાજ્યની સંસ્થાઓની ચૂંટણી માટે આખરી મતદાર યાદી 1 એપ્રિલ, 2026ના રોજ પ્રસિદ્ધ કરવામાં આવશે. 

આ પણ વાંચો: આણંદ: ઉમરેઠ વિધાનસભા પેટા ચૂંટણી માટે ભાજપે પ્રભારી-ચૂંટણી ઈન્ચાર્જની કરી નિમણૂક

આગામી થોડા દિવસોમાં આખરી મતદાર યાદી જાહેર થવાની છે, ત્યારે ટૂંક સમયમાં રાજ્યમાં સ્થાનિક સ્વરાજ્યની ચૂંટણીને લઈને જાહેરનામું બહાર પડી શકે છે.