સાસુને ચપ્પુની અણીએ વહુની ધમકી, મારા પતિને ઉશ્કેરશો તો છોડીશ નહિ

શહેરના ગોરવા વિસ્તારમાં ઘરેલુ હિંસાના કિસ્સાને પગલે અભયમે પોલીસને દરમિયાનગિરી કરવા ભલામણ કરી છે.
માતા તેના પરિણીત પુત્રથી અલાયદી રહે છે અને પુત્ર અને તેની પત્ની વચ્ચે કોઇને કોઇ કારણસર ગૃહક્લેશ થતો હોય છે.જેથી વહુને તેની માતા પર શંકા છે.
પતિના ત્રાસથી કંટાળીને આખરે ગઇકાલે વહુ તેની સાસુને ત્યાં ચપ્પુ લઇને પહોંચી ગઇ હતી અને ચપ્પુ બતાવી મારા પતિના કાન ભંભેરશો તો પરિણામ સારું નહિ આવે તેવી ધમકી આપી હતી.જેથી ગભરાયેલા સાસુએ અભયમને જાણ કરતાં અભયમે વહુનું કાઉન્સેલિંગ કર્યું હતું.પરંતુ તે સમજવા માટે તૈયાર નહિ હોવાથી આખરે અભયમે પોલીસ સમક્ષ રજૂઆત કરવા સાસુને સમજાવ્યા હતા.