હવે આધાર માટે લાંબી લાઇનમાં ઊભા રહેવું નહી પડે, સરકારે શરુ કર્યું ‘આધાર ગુડ ગવર્નન્સ પોર્ટલ’

Aadhaar Good Governance Portal : આજથી કેન્દ્ર સરકારના ઈલેક્ટ્રોનિક્સ અને ઇન્ફોર્મેશન ટૅક્નોલૉજી મંત્રાલયે (MeITY) આધાર પ્રમાણભૂતતા વિનંતીઓ માટે મંજૂરી પ્રક્રિયાને સુવ્યવસ્થિત કરવા માટે આધાર ગુડ ગવર્નન્સ પોર્ટલ લોન્ચ કર્યું છે. જેમાં લોકો માટે સેવાઓની વધુ સારી સરળ અને સક્ષમ બનાવવાનો દાવો મંત્રાલય દ્વારા કરવામાં આવ્યો છે.

સરકાર દ્વારા જાહેર કરવામાં આવેલી માહિતી અનુસાર આધાર સુશાસન ઓનલાઇન પ્લેટફોર્મ (http://swik.meity.gov.in) સુશાસન (સમાજ કલ્યાણ, નવીનતા, જ્ઞાન) સુધારા નિયમો, 2025 હેઠળ ચાલુ કરવામાં આવી છે. વર્ષ જાન્યુઆરી 2025ના અંતમાં આધાર (નાણાકીય અને અન્ય સબસિડી, લાભો અને સેવાઓની લક્ષ્યાંકિત ડિલિવરી) અધિનિયમ, 2016 હેઠળ સૂચિત કરવામાં આવ્યા હતા જેમાં નિર્ણય લેવાની પ્રક્રિયામાં પારદર્શિતા અને સમાવેશકતા સુધારવા માટે આ સુધારો કરવામાં આવ્યો છે.

છેલ્લા એક દાયકામાં એક અબજથી વધુ ભારતીયોએ 100 અબજથી વધારે વખત આધારનો ઉપયોગ કરીને આધાર પર વિશ્વાસ વ્યક્ત કર્યો છે. MeITYના સચિવના જણાવ્યા મુજબ આ પ્લેટફોર્મ લોન્ચ થવાથી અને તેની આસપાસની અન્ય પ્રક્રિયાઓ અને વ્યવસ્થાઓમાં સતત સુધારા સાથે અમે સુશાસન અને જીવન જીવવાની સરળતાના ક્ષેત્રમાં વધુ ઉપયોગના કિસ્સાઓ ઉમેરવાની પ્રક્રિયા ઝડપી બનશે. 

નવા સુધારાથી આધાર નંબર ધારકો હોસ્પિટાલિટી, હેલ્થકેર, ક્રેડિટ રેટિંગ બ્યૂરો, ઈ-કોમર્સ પ્લેયર્સ, શૈક્ષણિક સંસ્થાઓ અને એગ્રિગેટર સર્વિસ પ્રોવાઇડર્સ સહિત કેટલાંક ક્ષેત્રોમાંથી મુશ્કેલી વિનાની સેવાઓનો લાભ મેળવી શકશે. સર્વિસ પ્રોવાઇડર્સને પણ સ્ટાફની હાજરી, કસ્ટમર ઓનબોર્ડિંગ, ઇ-કેવાયસી વેરિફિકેશન, એક્ઝામ રજિસ્ટ્રેશન વગેરે સહિતની અનેક બાબતો માટે મદદરૂપ થશે. 

આ પોર્ટલ સંસાધનોથી ભરપૂર માર્ગદર્શિકા તરીકે સેવા આપશે, અને આધાર પ્રમાણીકરણ માટે અરજી કેવી રીતે કરવી અને બોર્ડ પર કેવી રીતે રહેવું તે અંગે પ્રમાણપત્ર મેળવવા માંગતા સંસ્થાઓને વિગતવાર SOP પ્રદાન કરશે. આ મુદ્દે એપ્રિલ અને મે 2023 દરમિયાન હોદ્દેદારો અને સામાન્ય લોકો તરફથી ટિપ્પણીઓ મંગાવવામાં આવી હતી.