Get The App

ગાઝાના પિડીતના નામે ૧૫૦૦ ડોલર દુબઇથી સિરિયા મોકલાયાનો ખુલાસો

સિરિયા સ્થિત એનજીઓની સંડોવણી સામે આવી

સિરિયાના નાગરિકોને હોટલમાં ખોટા નામે રૂમ આપનાર પાંચ હોટલ વિરૂદ્ધ ગુનો નોંધીને કાર્યવાહી કરાશે

Updated: Aug 24th, 2025

GS TEAM

Google News
Google News
ગાઝાના પિડીતના નામે ૧૫૦૦ ડોલર દુબઇથી સિરિયા મોકલાયાનો ખુલાસો 1 - image

અમદાવાદ,રવિવાર

ગાઝામાં મુસ્લિમની દયનીય સ્થિતિ અને પોતે પણ પિડીત હોવાનું જણાવીેને અમદાવાદ સહિત દેશના વિવિધ શહેરોમાં જઇને આર્થિક મદદના નામે નાણાં પડાવતા ચાર સિરિયન પૈકી એક નાગરિકને ક્રાઇમબ્રાંચે ઝડપી લીધો હતો.  તેની પુછપરછમા જાણવા મળ્યું હતું કે તેમણે અત્યાર સુધીમાં ૧૫૦૦ ડોલર દુબઇથી સિરિયા મોકલ્યા હતા અને સિરિયાની એક એનજીઓ સાથે મળીને સમગ્ર્ કૌભાંડ ચલાવતા હતા. ત્યારે આગામી સમયમાં વધુ ખુલાસા થવાની શક્યતા પોલીસે વ્યક્ત કરી છે.

ગાઝાના પિડીતના નામે ૧૫૦૦ ડોલર દુબઇથી સિરિયા મોકલાયાનો ખુલાસો 2 - imageઅમદાવાદ ક્રાઇમબ્રાંચે એલીસબ્રીજમાં આવેલી રીગલ હોટલમાં દરોડો પાડીને અલી મેઘાત અલઝહેર નામના સિરિયાન નાગરિકને ઝડપી લીધો હતો. જે અન્ય  ત્રણ સિરિયન નાગરિક સાથે અમદાવાદ આવ્યો હતો. પરંતુ, ક્રાઇમબ્રાંચના દરોડાના કારણે ફરાર થઇ ગયા હતા. પોલીસે અલી મેઘાતની પુછપરછ કરી ત્યારે જાણવા મળ્યું હતું કે

તેમણે સિરિયાની એક સામાજિક સંસ્થાની મદદથી ભારત આવ્યા હતા અને તેમણે ૧૫૦૦ ડોલર દુબઇથી સિરિયા મોકલ્યા હતા. જેથી પોલીસ સિરિયાની એનજીઓની વિગતો પણ તપાસી રહી છે.બીજી તરફ પોલીસે તપાસમાં વિગતો સામે આવી હતી કે ચારેય સિરિયન નાગરિકો અમદાવાદના પાંચ હોટલમાં રોકાયા હતા. પરંતુ, તેમણે ખોટા નામ લખાવ્યા હતા. ત્યારે હોટલોના સંચાલકો વિરૂદ્ધ ક્રાઇમબ્રાંચ દ્વારા  કાર્યવાહી કરવામાં આવશે.

Tags :