વડોદરા, તા. 01 જાન્યુઆરી
વડોદરા પોલીસે થર્ટી ફર્સ્ટ નિમિત્તે ઠેકઠેકાણે નાકાબંધી તેમજ પીધેલાઓને પકડવાની ઝુંબેશ ઉપાડી હોવા છતાં અનેક લોકોએ દારૂની મહેફિલ માણી હતી.
ગોત્રી પોલીસની ટીમ ગઈ કાલે રાત્રે પેટ્રોલિંગમાં હતી તે દરમિયાન હરિ નગર બ્રિજ પાસે આવેલા તક્ષ કોમ્પ્લેકસની ટેરેસ પર કેટલાક લોકો દારૂની મહેફિલ માણી રહ્યા હોવાની વિગતો મળતાં પોલીસ સ્થળ પર પહોંચી હતી.
પોલીસે ટેરેસ પરથી સુભાષ નાનુ રામ ડામોર, નારાયણ ડાયાભાઈ ડામોર, પૃથ્વીસિંહ રામસિંગ રાવ તેમજ પવનસિંગ ઈશ્વર સિંગ રાવ (તમામ રહે.તક્ષ કોમ્પલેક્ષ, ગોત્રી મૂળ રહે ડુંગરપુર, રાજસ્થાન) ને દારૂ પીધેલી હાલતમાં ઝડપી પાડયા હતા.
પોલીસે ત્રણેય જણા પાસેથી દારૂની અડધી બોટલ તેમજ 3 મોબાઇલ કબજે કર્યા છે.
