વડોદરા શહેરમાં 'વન ડે, વન રોડ'ની કામગીરીમાં પાંચ ટ્રક ભરી સામાન જપ્ત

Vadodara Corporation : વડોદરા શહેરના વિવિધ વિસ્તારમાં પ્રતિદિન વન ડે વન રોડ પ્રોગ્રામના નેજા હેઠળ ચાલતી કાર્યવાહી દરમિયાન રાજમહેલ મુખ્ય ગેટ થી કાશી વિશ્વનાથ મંદિર સુધી અને લહેરીપુરા દરવાજાથી મંગળ બજાર અને માંડવી રોડ તથા દક્ષિણ છેવાડે જયુપીટર ચાર રસ્તાથી સુશેન ચાર રસ્તા વચ્ચેના રોડ અને ફૂટપાથ પર લાગેલા ગેરકાયદે લારી ગલ્લા પથારા અને માર્જિનની જગ્યામાં લગાવાયેલા 10 જેટલા બોર્ડ, હોર્ડિંગ્સ સહિત કુલ મળીને 5 ટ્રક જેટલો માલ સામાન કબજે લેવાયો હતો. 

ઉલ્લેખનીય છે કે શહેરમાં પ્રતિદિન વન ડે વન રોડના કાર્યક્રમ અંતર્ગત ગેરકાયદે કાચા દબાણનો પણ સફાયો થઈ રહ્યો છે ત્યારે, રાજ મહેલના મેઈન ગેટથી કાશી વિશ્વનાથ મંદિર સુધીના રોડ રસ્તે ચાલતી કાર્યવાહી દરમિયાન અનેક મોબાઇલ શોપ આસપાસ માર્જિનની જગ્યામાં લાગેલા હોર્ડિંગ્સ અને બોર્ડ તથા ફૂટપાથ પર લાગેલા પથારા સહિત અન્ય મળીને બે ટ્રક જેટલો માલ સામાન કબજે કરાયો હતો. આવી જ રીતે લહેરીપુરા દરવાજાથી મંગળ બજાર તથા માંડવી રોડ પર ચાલતી કામગીરીમાં અડચણરૂપ લારી ગલ્લા પથારાના દબાણો દૂર કરીને એ ટ્રક જેટલો માલ સામાન કબ્જે લીધો હતો. આ ઉપરાંત દક્ષિણ છેવાડે જયુપિટર ચાર રસ્તાથી સુસેન ચાર રસ્તા સુધી ચાલતી કામગીરીમાં અંતરાયરૂપ ગેરકાયદે દબાણો લારી ગલ્લા પથારા અને શેડ મળીને બે ટ્રક જેટલા માલ સામાન સહિત કુલ પાંચ ટ્રક જેટલો માલ સામાન જુદા જુદા વિસ્તારમાંથી દબાણ શાખાની ટીમ દ્વારા કબજે કરાયો હતો.