વટવા અને દાણમડામાંથી ૭.૩૩ કિલો ગૌ માંસનો જથ્થા સાથે પાંચ કસાઇ પકડાયા

અમદાવાદ, બુધવાર

પૂર્વ વિસ્તારમાં રખડતી ગાયોની મોડી રાતે ચોરી કરીને બેરોકટોક કતલ કરવાનો ગોરધંધો ધમધમી રહ્યો છે. વટવા અને દાણીલમડા પોલીસે ચોક્કસ બાતમી આધારે કુલ ૭.૩૩ કિલો ગૌમાંસના જથ્થા પાસે પાંચ કસાઇને રંગેહાથ પકડી પાડીને કુલ ૧૦ લોકો સામે ગુનો નોંધીને ક્યાંથી ગાયો લાવ્યા હતા અને કેટલા સમયથી આ ધંધો કરતા હતા તે સહિતની તપાસ હાથ ધરવામાં આવી રહી છે.

વટવામાં બોલેરો,લોડિંગ રિક્ષામાંથી રૃા.૧.૭૦ લાખનો ૬૫૦ કિલો દાણીલીમડાથી રૃા.૧૭ હજારનો ૮૩ કિલો જથ્થો મળ્યો ઃ૧૦ સામે ફરિયાદ

વટવા પોલીસ સ્ટેશનના સર્વેલન્સ સ્કવોર્ડના પોલીસ સબ ઇન્સ્પેકટર વી.યુ.રહેવરના જણાવ્યા મુજબ પોલીસે ચોક્કસ બાતમી આધારે વટવા કાગજવાલા વે બ્રિજ પાસેથી આવેલી ગલીમાંથી બોલેરો જીપ તથા લોડિંગ રિક્ષામાં ભરેલી રૃા. ૧.૭૦ લાખના ૬૫૦ કિલો ગૌ માંસનો જથ્થો પકડી પાડીને ત્યાં નજીકમાં રહેતા મોહંમદઇકબાલ શેખ તથા મોહંમદ આરીફ કુરેશી સહિત સાત લોકો સામે ગુનો નોંધીને તપાસ હાથ ધરવામાં આવી રહી છે.

દાણીલીમડા પોલીસે ચોક્કસ બાતમી આધારે દાણીલીમડા ગંજ શહીદ કબ્રસ્તાન નજીક હાજી બાવાના છાપરામાં દરોડો પાડીને શાહબાઝખાન પઠાણને પકડી પાડયો હતો અને તેની પાસેથી રૃા. ૧૭ હજારની કિંમતનો ૮૩ કિલો ગૌ માંસનો જથ્થો પકડી પાડીને વધુ તપાસ શરુ કરી છે.