પાલતુ શ્વાન ઘરમાં બાંધવાનું કહેતા પરિવાર ઉપર હુમલો

અમદાવાદ, શુક્રવાર

દાણીલીમડામાં પાડોશીએ ઘર પાસે  બાંધેલું  પાલતું શ્વાન વૃદ્ધા સામે ભસીને કરડવા જતા તેમણે શ્વાન માલિક મહિલાને શ્વાન ઘરમાં બાંધીને રાખવાનું કહેતા ઝઘડો કર્યો હતો અને પાડોશી મહિલાએ બહેન અને જીજાજી સાથે મળીને વૃદ્ધા અને તેમની પુત્રી માર માર્યો હતો જ્યારે યુવકને માથામાં કપડાં ધોવાનો ધોકો મારીને લોહી લુહાણ કરતાં યુવકને સારવાર માટે દાખલ કરાયો હતો. આ  બનાવ અંગે દાણીલીમડા પોલીસે બે મહિલા સહિત ત્રણ સામે ગુનો નાંેધીને વધુ તપાસ હાથ ધરી છે.

માથામાં ગંભીર ઇજાઓ થતાં યુવક સારવાર હેઠળ ઃ દાણીલીમડા પોલીસે બે મહિલા સહિત ત્રણ સામે ગુનો નોંધીને તપાસ હાથ ઘરી

દાણીલીમડામાં રહેતા યુવકે દાણીલીમડા પોલીસ સ્ટેશનમાં પડોશમાં રહેતી બે મહિલા સહિત ત્રણ લોકો સામે ફરિયાદ નોંધાવી છે કે ગઇકાલે સાંજના સમયે તેની માતા સાથે ઘરે હતી અને ભાઇ ઘરમાં સૂતો હતો.  આ સમયે પાડોશીએ તેના ઘર આગળ બાંધેલું પાલતું શ્વાન ફરિયાદીની મતાને જોઇને ભસવા લાગ્યું હતું તેમજ કરડવા જતા તેમની માતાએ પડોશી મહિલાને બુમ પાડીને ઘરમાંથી બહાર બોલાવીને શ્વાનને ઘરમાં બાંધવા કહ્યું હતું.

 જેથી પડોશી મહિલાએ ઉશ્કેરાઇને પડોશી વૃદ્ધાને ગાળો બોલવા લાગી હતી. જેથી ફરિયાદી  મહિલા અને તેમના ભાઇ બહાર આવ્યા હતા. ત્યારે પડોશી આરોપીઓ બહાર આવ્યા હતા અને  ફરિયાદીના પરિવારના સભ્યો સાથે તકરાર કરી હતી તેમજ પડેોશી યુવકે ફરિયાદીના ભાઇને ધોકાથી માથામાં માર માર્યો હતો. જેથી છોડાવવા વચ્ચે પડતોં  પરિવારજનોને પણ માર માર્યો હતો. બુમાબુમ થતા આસપાસના લોકો આવી જતા છોડાવ્યા હતા. જ્યારે ઇજાગ્રસ્ત ત્રણેયને સારવાર માટે હોસ્પિટલ લઇ જવામાં આવ્યા હતા.