રાજ્ય ઍક્વેટિક ચેમ્પિયનશિપમાં વડોદરાના સ્વીમર્સનું ઉત્કૃષ્ઠ પ્રદર્શન

અમદાવાદ સેવી સ્વરાજ સ્પોર્ટ્સ કોમ્પ્લેક્સ ખાતે ૫૧મી-૪૧મી સબ-જુનિયર ગુજરાત રાજ્ય ઍક્વેટિક ચેમ્પિયનશિપ યોજાઈ હતી. આ ટુર્નામેન્ટમાં વડોદરાના યુવા તરવૈયાઓએ રાજ્યભરના શ્રેષ્ઠ ખેલાડીઓ સામે સ્પર્ધા કરીને, વડોદરાની ટીમે કુલ ૮૭ મેડલ જીતીને શાનદાર દેખાવ કર્યો છે.

રાજ્ય ઍક્વેટિક ચેમ્પિયનશિપ- 2025સ્પર્ધા 11થી 13 જુલાઈ દરમ્યાન યોજાઈ હતી. વડોદરાના સ્વીમર્સે તેમાં ૮૭ મેડલ જીતીને શ્રેષ્ઠ પ્રદર્શન કર્યું છે. જેમાં ૧૭ ગોલ્ડ, ૩૪ સિલ્વર અને ૩૬ બ્રોન્ઝ મેડલનો સમાવેશ થાય છે. આ તરવૈયાઓની મહેનત, કોચિંગ અને સઘન તાલીમ વડોદરાને ગૌરવ અપાવાની સાથે સાથે રાજ્યમાં તરણ રમતના ક્ષેત્રે એક ઉચ્ચ ધોરણ પણ સ્થાપિત કરે છે. આ ભવ્ય સફળતા વડોદરાના તરવૈયાઓની અથાક મહેનત, અદમ્ય પ્રતિભા અને શિસ્તબદ્ધ તાલીમનું પરિણામ છે. આ ઉપરાંત, કોચ વિવેક સિંહ બોરલીયા અને કૃષ્ણા પંડ્યા તેમજ ટ્રેનર સુબોધકુમાર અને બિપિનકુમારના સતત માર્ગદર્શન અને સમર્પણની પણ ટીમની આ સિદ્ધિમાં મુખ્ય ભૂમિકા રહી છે.