મેઘાણીનગર પોલીસ સ્ટેશનમાં જ નશામાં ધૂત યુવકે હંગામો મચાવ્યો

અમદાવાદ,શુક્રવાર

 પૂર્વ વિસ્તારમાં અસામાજિક તત્વોને પોલીસને ડરના હોય તેમ ગઇકાલે એક યુવકે દારુ પીને મેઘાણીનગર પોલીસ  સ્ટેશનમાં હંગામો મચાવ્યો હતો. પોલીસે આરોપીની ધરપકડ કરીને તેની સામે ગુનો નોંધીને કાયદાનું ભાન કરાવ્યું હતું.

દારુડિયાએ ધમાલ કરતા પોલીસે ગુનો નોંધી કાયદાનું ભાન કરાવ્યું

 મેઘાણીનગર પોલીસ સ્ટેશનમાં ફરજ બજાવતા હે.કોન્સ્ટેબલ સતીષભાઇ જાદવે મેઘાણીનગર પોલીસ સ્ટેશનમાં નવા વાડજ અખબારનગર પાસે રાસુડીના છાપરામાં રહેતા સુરેશભાઇ તુલસીભાઇ પટણી સામે ફરિયાદ નોંધાવી છે કે ગઇકાલે સવારે ૧૧ વાગે પોતે હાજર હતા આ સમયે પોલીસ સ્ટેશનમાં જ એક યુવકે દારુ પીને હંગામો મચાવ્યો હતો અને ગાળો બોલીને લવરી કરી રહ્યો હતો જેથી પોલીસે આરોપીની ધરપકડ કરીને તેની સામે ગુનો નોંધીને કાયદાનું ભાન કરાવ્યું હતું.