ભાવનગરની વિવિધ સરકારી કચેરીઓનું રૂા. 10 કરોડથી વધારે વીજબીલ બાકી

- બાકીબિલ માટે સામાન્ય જનતા સામે રિકવરી ઝૂંબેશ, સરકારી કચેરી સામે પત્રવ્યવહાર

- નગરપાલિકાઓ પાસે સૌથી વધારે રૂા. 9 કરોડ બાકી, ઉપરાંત પોલીસ ક્વાર્ટર, કચેરી અને અન્ય સરકારી વસાહતોનું લાઈટબિલ બાકી

નાણાંકીય વર્ષના અંતે પીજીવીસીએલ બાકી વીજબીલની વસૂલાત માટે છેલ્લા ક્વાર્ટરમાં ખાસ રિકવરી ઝુંબેશ હાથ ધરે છે. જેમાં સામાન્ય ગ્રાહકો કે જેમણે નિયમિત રીતે વીજબીલ ભર્યું નથી તેમની પાસેથી બાકી વીજબીલની રકમ વસૂલવામાં આવે છે અને વીજબીલ ના ભરે તો વીજ કનેક્શન કાપી નાખવા સુધીની કાર્યવાહી કરવામાં આવે છે. ગત નાણાંકીય વર્ષ ૨૦૨૪-૨૫ના છેલ્લા ત્રિ-માસિકગાળો જાન્યુઆરીથી માર્ચ દરમિયાન પીજીવીસીએલે સાડા ત્રણ લાખ ગ્રાહકો પાસેથી રૂ.૭૬.૯૫ લાખની વસૂલાત કરી છે. જેની સામે ભાવનગરની વિવિધ સરકારી કચેરીઓ, વસાહતો, પોલીસ ક્વાર્ટ અને કચેરીઓનું રૂ.૧૦.૦૯ કરોડનું વીજબીલ હજુ બાકી છે. જેમાં સૌથી વધારે નગરપાલિકાના વોટર વર્કસ અને નગરપાલિકાની સ્ટ્રીટલાઈટનું રૂ.૯ કરોડથી વધારેનું વીજબીલ બાકી છે. સામાન્ય નાગરિક વીજબીલ ના ભરે તો વીજ કનેક્શન કાપી નાખવા સુધીની કાર્યવાહી કરતું વીજતંત્ર સરકારી કચેરીઓના બાકી વીજબીલની વસૂલાત માટે સંબંધિત વિભાગનો સીધો સંપર્ક કરી તેમજ જિલ્લાની સંકલનની બેઠકમાં બાકી વીજબીલ માટેની વસૂલાતની વાત મુકીને સંતોષ માને છે. જોકે છેલ્લા બે-ચાર માસના સમયગાળામાં પીજીવીસીએલે સરકારી કચેરીઓના બાકી વીજબીલના રૂ.૨.૬ર કરોડની વસૂલાત કરી છે.

સરકારી કચેરીઓના બાકી વીજબિલની વિગત

નગરપાલિકા

રિકવરી ઝૂંબેશમાં બાકી વીજબિલની કરેલી વસૂલાત