ચોરોએ બે દિવ્યાંગ મિત્રોની ઇલેકટ્રિક સાયકલો પણ ના છોડી,ચોરીની ફરિયાદ

હરણીના વૈકુંઠ-૨ ખાતે રહેતા વિશાલભાઇ રાવળે પોલીસને કહ્યું હતું કે,હું અને મારા મિત્ર મો.ઇરફાન દિવ્યાંગ હોવાથી અમને સરકાર તરફથી બે ઇલેકટ્રિક સાયકલ મળી હતી.મિત્રની સાયકલ પણ હું જ વાપરતો હતો.ગઇ તા.૧૭મીએ હું મારી સાયકલ ઘર પાસેના ખાલી પ્લોટમાં પાર્ક કરીને ખંભાત એક પ્રસંગમાં ગયો હતો.મારી સાથે મારા મિત્રની સાયકલ પણ મુકેલી હતી. બીજા દિવસે પરત ફર્યો ત્યારે બંને સાયકલ ગૂમ હતી.તપાસ કરતાં આ બંને સાયકલ નહિ મળતાં આખરે હરણી પોલીસને જાણ કરી હતી.પોલીસે ગુનો નોંધી તપાસ હાથ ધરી છે.