દુકાનમાં તોડફોડ કરી બરફનો સોયો મારતા યુવક લોહી લુહાણ

અમદાવાદ, સોમવાર

શાહપુરમાં અડધા પૈસામાં સિગારેટ આપવાની ના પાડતાં કરિયાણાની દુકાનમાં ઘૂસીને તોડફોડ કરી હતી અને યુવક ઉપર બરફ તોડવાના સોયાથી હુમલો કરી લોહી લુહાણ કરીને દુકાનમાં લૂંટ ચલાવીને હવે પછી વસ્તું લેવા આવીએ અને પૈસા માગીશ તો પિતા-પુત્રને મારી નાખવાની તથા દુકાન સળગાવવાની ધમકી આપી હતી. 

હું કોઇને પૈસા આપતો નથી કહી હુમલો કરી અમો વસ્તુ લેવા આવીએ  અને પૈસા માગીશ તો  પિતા-પુત્રને મારી નાખવાની તથા દુકાન સળગાવવાની ધમકી આપી

શાહપુર મિલ કમ્પાઉન્ડ ખાતે રહેતા અને મિરજાપુર  ખાતે જનરલ સ્ટોર્સ ધરાવતા યુવકે શાહપુર પોલીસ સ્ટેશનમાં મિરજાપુરમાં રહેતા ત્રણ ભાઇ સામે ફરિયાદ નોંધાવી છે કે ગઇકાલે રાતે ૮.૩૦ વાગે તે પોતાની કરિયાણાની દુકાને હાજર હતો ત્યારે આરોપી તેની દુકાને આવ્યો હતો અને અડધા પૈસે સિગારેટ માગી હતી જેથી યુવકે પુરા પૈસા માગ્યા હતા.

 જેથી આરોપીએ ઉશ્કેરાઇને હું કોઇને પૈસા આપતો નથી કહીને મારા મારી કરી હતી અને દુકાનમાં ઘૂસીને તોડફોડ કરી હતી અને યુવક ઉપર બરફ તોડવાના સોયાથી હુમલો કરી લોહી લુહાણ કરીને દુકાનમાં લૂંટ ચલાવીને હવે પછી વસ્તું લેવા આવીએ અને પૈસા માગીશ તો પિતા અને ફરિયાદી યુવકને મારી નાખવાની તથા દુકાન સળગાવવાની ધમકી આપી હતી. આ બનાવ અંગે શાહપુર પોલીસે ત્રણ ભાઇ સામે ગુનો નોંધી વધુ તપાસ હાથ ધરી છે.