ચકલાસી પાસે એક્સપ્રેસ-વે પર ટ્રક પાછળ ટ્રેલર ઘૂસી જતા ચાલકનું મોત

- અમદાવાદ- વડોદરા હાઈવે પર અકસ્માત

- પાવડર ભરેલી ટ્રક પૂરઝડપે જતી હતી : ટ્રેલરની કેબિનમાં દબાઈ જવાથી ચાલકનું મૃત્યું

ચકલાસી નજીક અમદાવાદ વડોદરા એક્સપ્રેસ હાઈવે રોડ ઉપર ગઈકાલે રાતના પાવડર ભરેલી ટ્રક પુરઝડપે પસાર થતી હતી. ત્યારે એક્સપ્રેસ હાઈવે રોડ ઉપર પાછળથી પુરપાટ આવતા ટેલર ટ્રકની પાછળ ધડાકા ભેર ઘૂસી ગયું હતું. અકસ્માતમાં કેબિનમાં દબાઈ જવાથી ગંભીર ઇજાઓ પહોંચતા ટ્રેલર ચાલક ઓમારામ દેરાજરામ જાખડ (રહે બાડમેર, રાજસ્થાન)નુ ઘટના સ્થળે જ મોત થયું હતું. ચકલાસી પોલીસે આ અંગે ગુનો નોંધી કાયદેસર કાર્યવાહી હાથ ધરી છે.