હાઇવે પર ઉભેલી ટ્રકમાં પાછળથી ટ્રક ઘુસી જતા ડ્રાઇવરનું મોત

વડોદરા,હાઇવે  પર તરસાલી બ્રિજ નજીક આગળ ઉભેલી ટ્રકમાં પાછળથી ટ્રક ઘુસી જતા ડ્રાઇવર કેબિનમાં જ ફસાઇ ગયો હતો. માથામાં ગંભીર  ઇજા થતા તેનું સ્થળ પર જ મોત થયું હતું.

ડભોઇ રોડ સોમા તળાવ  પાસે ઓમ રેસિડેન્સીમાં રહેતા પ્રતિમાબેન હરિશચંદ્ર વૈદ્ય ગત ૧૩ મી  ઓગસ્ટે  વહેલી સવારે મોર્નિંગ વોક માટે ઘરેથી નીકળ્યા હતા. સોમા તળાવ બ્રિજ પરથી તેઓ ચાલતા જતા હતા. તે દરમિયાન એક વાહન ચાલકે તેઓને ટક્કર મારતા માથામાં ગંભીર ઇજા થતા બેભાન થઇ ગયા હતા. પ્રતિમાબેનને સૌ  પ્રથમ સયાજી હોસ્પિટલ અને ત્યારબાદ ત્રણ ખાનગી હોસ્પિટલમાં તેઓને સારવાર માટે લઇ જવામાં આવ્યા હતા. એક મહિના પછી પણ તેઓ હજી બેભાન છે. તેમની પુત્રીની ફરિયાદના આધારે કપુરાઇ  પોલીસે ગુનો દાખલ કરી કાયદેસરની કાર્યવાહી હાથ ધરી છે.

મહારાષ્ટ્રનો  ટ્રક ડ્રાઇવર હારૃન મોહંમદકલામ શેખ (ઉં.વ.૪૩) આજે વહેલી સવારે ટ્રક લઇને સુરત તરફ ટ્રક લઇને જઇ રહ્યો હતો. તરસાલી બ્રિજ ઉતરતા હાઇવે પર આગળ ઉભેલી એક ટ્રકમાં તેની ટ્રક પાછળથી ઘુસી જતા તે ડ્રાઇવર કેબિનમાં ફસાઇ ગયો હતો. માથામાં ગંભીર ઇજા થતા તેનું સ્થળ પર જ મોત થયું હતું. જે અંગે કપુરાઇ પોલીસે સ્થળ પર જઇ મૃતદેહને પી.એમ. માટે સયાજી હોસ્પિટલમાં મોકલી આપ્યો હતો.