ધ્રાંગધ્રા હાઇવે પર ટ્રકમાંથી 4.90 લાખનો સૂકો ગાંજો ઝડપી પાડયો

કચ્છ-અમદાવાદ હાઈવે પર માદક પદાર્થની ફરી હેરાફરી ઝડપાઇ

ધ્રાંગધ્રા પોલીસે ગાંજો, ટ્રક મળી રૃ.૧૪.૯૫ લાખના મુદામાલ સાથે ટ્રક ચાલક સહિત બે શખ્સને ઝડપી કાર્યવાહી હાથ ધરી

ધ્રાંગધ્રા - કચ્છ-અમદાવાદ હાઈવે પર નશીલા પદાર્થ અને પ્રવાહીની હેરાફેરી અગાઉ પણ ઝડપાઈ ચૂકી છે ત્યારે હવે ધ્રાંગધ્રા તાલુકા પોલીસની ટીમે ટ્રકમાંથી રૃ. ૪.૯૦ લાખની કિંમતના સુકા ગાંજાનો જથ્થો ઝડપી લીધો છે.

ધ્રાંગધ્રા તાલુકા પોલીસ મથકના ઈન્ચાર્જ પીઆઇ સહિતના સ્ટાફે બાતમીને આધારે બુધવારે વહેલી સવારે ધ્રાંગધ્રા હાઈવે પર આવેલ કુડા ચોકડી નજીકથી શંકાસ્પદ ટ્રકને અટકાવી તેની તપાસ કરતા ટ્રકમાંથી ૯.૮૧૦ કિલો સૂકો ગાંજો કિંમત રૃ. ૪,૯૦,૫૦૦ સાથે શાદાતહુશેન અકબરશા સૈયદ તથા સુલેમાન ઉસ્માનભાઈ શેખ (બંને રહે. ભચાઉ) વાળાને ઝડપી પાડયા હતા અને તેમની પાસેથી મોબાઈલ, ટ્રક સહિત કુલ રૃ.૧૪,૯૫,૫૦૦નો મુદામાલ કબજે કરી ગાંજો આપનાર અજાણ્યો શખ્સ તથા અહેમદ ઉર્ફે પપ્પુ રજાકભાઇ લંઘા (રહે. ભચાઉ) વાળા સહિત કુલ ચાર વિરુધ નાર્કોેટિક્સ એક્ટ હેઠળ ગુનો નોંધી કાયદેસરની કાર્યવાહી હાથ ધરી છે.