વડોદરાઃ વડોદરા જિલ્લા ખરીદવેચાણ સંઘની આજે યોજાયેલી ત્રણ બેઠક માટેની ચૂંટણી દરમિયાન ભાજપના આગેવાનો અને કાર્યકરોમાં મેન્ડેટના મુદ્દે અસંતોષ જોવા મળ્યો હતો.
જિલ્લા ખરીદવેચાણ સંઘની ચૂંટણીમાં કુલ ૧૫ બેઠક માટે ચૂંટણી યોજાનાર હતી. પરંતુ કેટલીક બેઠકો પર ઉમેદવારો બિનહરીફ ચૂંટાય તેવી સ્થિતિ હતી.જિલ્લા ભાજપના પ્રમુખે છેલ્લી ઘડીએ જૂની તારીખનો મેન્ડેટ આપ્યો હતો અને તેમાં બિનહરીફ જાહેર થાય તેવા નામો સમાવી લીધા હતા.
તો બીજીતરફ ધારાસભ્યો અને પૂર્વ ધારાસભ્યો વચ્ચેની ખેંચતાણને કારણે પાદરા અને કરજણની બે બેઠક પર નામોની સહમતી સધાઇ નહતી.જ્યારે વાઘોડિયા બેઠક પર કોંગ્રેસના ઉમેદવારે ફોર્મ ભર્યું હતું.જેથી ત્રણ બેઠક માટે આજે ચૂંટણી યોજાઇ હતી.જિલ્લાના કેટલાક આગેવાનોએ અસંતોષ વ્યક્ત કરતાં કહ્યું હતું કે,જો જિલ્લા પ્રમુખ રસિક પ્રજાપતિએ અગાઉથી સંકલન કર્યું હોત તો બાકીની બેઠકો પર પણ નામોની સહમતી થઇ હોત અને ચૂંટણીની નોબત આવી નહોત.
આજે વડોદરાના તારકેશ્વર મંદિર ખાતે જિલ્લા સંઘની ઓફિસમાં યોજાયેલી ચૂંટણીમાં કુલ ૧૦૮ મતદારોમાંથી ૧૦૫ મતદારોએ મતદાન કરતાં ૯૮ ટકા જેટલું મતદાન થયું હતું.આવતીકાલે મતગણતરી થશે.
કઇ બેઠક પર કેટલું મતદાન થયું
બેઠક કુલ મતદા૨ થયેલ મતદાન
પાદરા 34 34
વાઘોડિયા 34 34
કરજણ 40 38
