Vadodara : વડોદરા શહેરના દક્ષિણ છેવાડે આવેલા કલાલી વિસ્તારમાં વોર્ડ નં.11માં ટીપી-51માં 20 મીટર પહોળા અને 300 મીટર રોડ રસ્તાની બંને બાજુએ ગેરકાયદે કરવામાં આવેલી ફેન્સીંગ અને કાચી કમ્પાઉન્ડ વોલ પર દબાણ શાખાએ બુલડોઝર ફેરવીને રોડ રસ્તો ખુલ્લો કર્યો હતો.
ઉલ્લેખનીય છે કે વરસાદની મોસમ પૂરી થતાં પાલિકા તંત્ર ફરી એકવાર એક્શનમાં આવ્યું છે અને દબાણ શાખાની ટીમે શહેરના દક્ષિણ વિસ્તારમાં આવેલ વોર્ડ નંબર 11માં ટીપી 51માં 20 મીટર પહોળા રોડ રસ્તાનું આયોજન કરાયું છે. આ અંગે 300 મીટર લંબાઈના આ રોડ રસ્તાની બંને બાજુએ તારની ફેન્સીંગ વાડ તથા કાચી કમ્પાઉન્ડ ગેરકાયદે બની હોવાની પાલિકા તંત્રને જાણ થઈ હતી. પરિણામે દબાણ શાખાની ટીમ એસઆરપીના કાફલા સહિત અટલાદરા પોલીસ કાફલા સાથે મળીને બે બુલડોઝર ઘટના સ્થળે પહોંચી ગઈ હતી. જ્યાં રોડ રસ્તાની બંને બાજુએ બનેલી લોખંડની તારની ફેન્સીંગ તથા કાચી કમ્પાઉન્ડ પર તાત્કાલિક ધોરણે બુલડોઝર ફેરવીને બંને બાજુના રોડ રસ્તા ખુલ્લા કરી ગેરકાયદે બનાવવામાં આવેલી લોખંડની તારની ફેન્સી અને 300 મીટર જેટલી કાચી કમ્પાઉન્ડ વોલ તોડી પાડીને રસ્તો ખુલ્લો કરવામાં આવ્યો હતો.
