એચએસએન કોડ અને કાયદામાં ગુડ્સની વ્યાખ્યા વિરોધાભાસી હોવાથી વિવાદ

એચએસએન કોડમાં વીજળીને ગુડ્સ ગણે છે, જ્યારે  સીજીએસટી એક્ટમાં વીજળીને ગુડ્સ ગણવામાં આવતી નથી

(પ્રતિનિધિ તરફથી) અમદાવાદ,ગુરૃવાર

ગુડ્સ એન્ડ સર્વિસ ટેક્સના કાયદામાં અને એચએસએન કોડમાં ચીજવસ્તુઓનું વર્ણન કરતી વ્યાખ્યાઓ વિરોધાભાસી હોવાથી વેપારીઓ અને સીજીએસટી ડિપાર્ટમેન્ટ વચ્ચેના સંઘર્ષ અને વિખવાદના કિસ્સાઓ વધી રહ્યા છે. કાયદાની કલમ હેઠળ આપવામાં આવેલી વ્યાખ્યા અને એચએસએન કોડ સાથે આપવામાં આવેલી વ્યાખ્યા એકમેકના મેળમાં છે જ નહિ. તેનો ઉકેલ લાવવો જરૃરી છે. 

ઉદાહરણ આપીને વાત કરવામા આવે તો સીજીએસટી એક્ટની કલમ ૨(૫૨)માં કરવામાં આવેલી વ્યાખ્યા મુજબ દરેક પ્રકારની મુવેબલ પ્રોપટીને ગુર્ડ્સ તરીકે જોવામાં આવે છે. પરંતુ એચએસએન કોડ નંબર ૨૭૧૬  હેઠળ વીજળીને ગુડ્સ ગણવામાં આવતી નથી.  આ જ રીતે જમીન અને મકાનને ગુડ્સની વ્યાખ્યામાંથી કાઢી નાખવામાં આવ્યા છે. કારણ કે જમીન અને મકાન સ્થાવર છે. તે મુવેબલ પ્રોપર્ટી નથી. તેથી બાંધકામને લગતા કેટલાક કરારોમાં જમીન અને મકાનને ગુડ્સ એન્ડ સર્વિસ ટેક્સ હેઠળ વેરાને પાત્ર ગણવામાં આવતા નથી. પરંતુ એચએસએન કોડ નંબર ૯૪૦૬ હેઠળ પ્રી ફેબ્રિકેટેડ બિલ્ડિંગને, બાંધકામમાં વપરાતા લોખંડના માળખાને એચએસએન કોડમાં ગુડ્સ તરીકે સમાવી લેવામાં આવ્યા છે. તેથી વેપારીઓ અને જીએસટી અધિકારીઓ વચ્ચે વિવાદ થાય છે. 

ત્રીજું સીજીએસટી એક્ટમાં પેકેજ કરેલા સોફ્ટવેરને ગુડ્સ ગણવામાં આવે છે. પરંતુ કસ્ટમાઈઝ સોફ્ટવેરને એટલ ેકે કોઈ કંપની કે સંસ્થાની જરૃરિયાત માટે વિશેષ રીતે તૈયાર કરી આપવામાં આવતા સોફ્ટવેરને ગુડ્સ ગણવામાં આવતા નથી. તેથી તેનો સપ્લાય સ્પર્શ કરી શકાય તે સ્વરૃપમાં કે સ્પર્શ ન કરી શકાય તે સ્વરૃપમાં સપ્લાય આપવામાં આવે છે તેને આધારે તેના પર જીએસટી લગાડવો કે ન લગાડવા તેનો નિર્ણય લેવામાં આવતો હોવાથી ડિપાર્ટમેન્ટના અધિકારીઓ અને વેપારીઓ કે સંસ્થાઓ વચ્ચે સતત વિખવાદ થયા જ કરે છે. સી.ડી, ડી.વી.ડી કે પછી પેન ડ્રાઈવમાં આપવામાં આવતા સોફ્ટવેરને એચએસએન કોડ નંબર ૮૫૨૩ હેઠળ ગુડ્સ તરીકે સમાવી લેવામાં આવ્યા છે.કસ્ટમાઈઝ સોફ્ટવેરને કદાચ સર્વિસના વર્ગીકરણમાં સમાવવામાં આવતુ ંહોવાની સંભાવના છે.પરિણામે તેના પરની ડયૂટીના દર અંગે અને ખોટા એચએસએન કોડ લગાવ્યા હોવાને લગતા વિવાદો થયા કરે છે. તેથી વેપારીઓની હાલાકી વધી રહી છે.

બીજી એક મોટી સમસ્યા હોય તો જીએસટી એપેલેટ ટ્રીબ્યુનલના અભાવની છે. જીએસટીના અમલીકરણે આઠ વર્ષ પૂરા થવા આવ્યા છે. તેથી એપેલેટ ટ્રિબ્યુનલની રચના થઈ જવી પણ એટલી જ જરૃરી છે. પરંતુ આઠ વર્ષથી જીએસટી માટેની એપેલેટ ટ્રિબ્યુનલની રચના જ ન થઈ હોવાથી સંખ્યાબંધ વિવાદો આઠ વર્ષથી ઉકલ્યા વિના સરકારી ફાઈલોમાં અટવાયેલા પડયા છે.