ધાર્મિક લાગણી દુભાવતા લાઇવ વિડિયો અપલોડ કરનાર સામે ગુનો દાખલ

Vadodara : વડોદરાના ખોડીયાર નગર ડી માર્ટની પાછળ મણિનગરમાં રહેતા નિલેશ નાનજીભાઈ જીતિયાએ પોતાની યુ ટ્યુબ ચેનલ પર ધાર્મિક લાગણીઓને આઘાત પહોંચે તે રીતના વિડીયો અપલોડ કર્યા હતા. તેમજ હિન્દુ ગ્રંથોના વિશે પણ અપમાન કરતા લાઇવ વિડીયો અપલોડ કર્યા હતા. જે વિડિયો અમરેલી જિલ્લાના લીલીયા તાલુકાના સલડી ગામે રહેતા કરણભાઈ શાંતિભાઈ સોલંકી, નાગદાનભાઈ આયર, કરુણાદશ નિર્મળદાસ તથા હકુભા દરબારના ધ્યાને આવતા તેઓએ આ વીડિયોનો વિરોધ કર્યો હતો. આરોપીએ તેઓને તથા તેમના પરિવારને પણ ગાળો બોલી જાનથી મારી નાખવાની ધમકી આપી હતી. જે અંગે બાપોદ પોલીસે ગુનો દાખલ કરી નિલેશ જીતીયાની સામે કાયદેસરની કાર્યવાહી હાથ ધરી છે.