ક્રેડિટકાર્ડનું બિલ પે કરાવી કાર્ડ ધારકે રૃ.૨.૨૪લાખ પરત નહિ ચૂકવતાં ફરિયાદ

વડોદરાઃ સમા-સાવલી રોડ પર ઓફિસ ધરાવતા સંચાલક પાસે ક્રેડિટ કાર્ડનું પેમેન્ટ કરાવ્યા બાદ એક ગ્રાહકે રૃ.૨.૨૪ લાખની છેતરપિંડી કરતાં તેમણે સમા પોીલસ સ્ટેશનમાં ફરિયાદ કરી છે.

કારેલીબાગના ધવલપાર્કમાં રહેતા રામભાઇ ઠક્કરે પોલીસને કહ્યું છે કે,સમા સાવલી રોડ પર એસ૯ સ્કવેર બિલ્ડિંગમાં ઓફિસ ધરાવી હું એજ્યુકેશન કન્સલન્ટ,એર બુકિંગ, ક્રેડિટકાર્ડ પેમેન્ટ જેવા કામો કરતો હતો.જે દરમિયાન જાન્યુઆરી-૨૦૨૫માં જગેશ રવિન્દ્ર કુમાર પટેલ(શિવ ચેમ્બર,સરદાર ભવનનો ખાંચો) ક્રેડિટકાર્ડનું રૃ.૨.૨૪ લાખ બિલ પેમેન્ટ કરવા આવ્યો હતો.

તેના ક્રેડિટ કાર્ડની લિમિટ પુરી થઇ ગઇ હોવાથી મેં બિલ પેમેન્ટ કર્યું હતું.ત્યાર બાદ તેના કાર્ડમાં ફરી ક્રેડિટ આવી જતાં તેણે મને બિલની રકમ ચૂકવી હતી.પરંતુ બે દિવસ સુધી આ રકમ મને નહિ મળતાં તપાસ કરી હતી અને તેમાં ટ્રાન્જેક્શન ફેલ થયાનું જાણવા મળ્યું હતું. ત્યારબાદ જગેશે વારંવાર વાયદા કર્યા હતા.તેના સરનામે તપાસ કરાવતાં તે મળી આવ્યો ન હતો.